1 Tes 2:1 - Nouvo Testaman Kreol Morisien Harmonisation NTPS KM

¹ Frer ek Ser, zot bien kone ki nou pa finn vinn kot zot pou nanye.

Nouvo Testaman dan Kreol Morisien

¹ Mo bann frer, mo bann ser, zot bien kone ki nou pa finn vinn kot zot pou nanye.

1 Tes 2:1 Iomraidhean Croise

Psom 127:1

Si LESEGNER pa konstrir enn lakaz, travay artizan tourn dan vid; si LESEGNER pa okip sekirite so lavil, bann santinel pou fer senntri dan vid.

Psom 73:13

Savedir pou nanye mo finn res prop. Pou nanye mo finn lav mo lame pou montre mo inosans.

1 Ko 15:10

Me par lagras Bondie mo finn vinn seki mo ete. Sa lagras ki li finn akord mwa la, li pa dan vid. Okontrer, mo finn travay plis ki tou lezot Zapot; non, pa mwa, me lagras Bondie ki avek mwa.

1 Ko 15:2

Par sa Bonn Nouvel-la ki zot sove, si zot res atase dan enn fason ferm ar parol ki mo finn anonse. Sinon, savedir zot finn krwar dan vid.

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

2 Ko 6:1

Antan ki bann travayer ki kolabor ar Bondie, nou sipliy zot: pa negliz lagras ki zot finn resevwar ar li.

Ga 2:2

Mo finn monte apre enn revelasion ki mo finn gagne. Mo finn prezant bann-la Bonn Nouvel ki mo anonse parmi bann non-Zwif. Mo ti fer sa dan enn renion prive ar bann dirizan pli inportan. Mo pa ti anvi ki travay ki mo finn fer, ek seki mo pe fer aster-la, zot initil e pa servi nanye.

Ga 4:11

Zot fer mwa sagrin ki mo finn perdi mo letan travay ar zot.

Let pou Filipien 2:16

Parski zot finn port mesaz ki donn lavi, zour Lesegner li pou enn fierte pou mwa. Mo pou kone ki mo pa finn galoupe ek travay pou nanye.

1 Tes 2:13

Nou touzour pe rann gras Bondie parski letan nou finn anons zot so Parol, zot finn ekoute e zot finn aksepte li, pa kouma enn parol imin me kouma enn parol ki vremem sorti kot Bondie e ki pe azir dan zot, bann krwayan.

1 Tes 3:5

Pou sa rezon-la, letan mo ti nepli kapav siporte, mo ti avoy Timote pou pran nouvel lor zot lafwa. Mo ti per ki diab tant zot e tou sa lapenn ki nou finn fourni la, finn tom dan dilo.

2 Tes 1:10

Letan li vini zour so glorifikasion parmi tou so pep, li pou admire par bann dimounn ki finn krwar dan li e zot osi zot pou parmi akoz zot temwaniaz.

2 Tes 3:1

Finalman, mo bann frer ek ser, priye pou nou pou ki Parol Lesegner kapav propaze bien vit e ki li onore partou, parey kouma sa ete parmi nou.