1 Tes 1:10 - Nouvo Testaman Kreol Morisien Harmonisation NTPS KM

¹⁰ Zot pe atann retour so Garson Zezi ki dan lesiel, limem ki Bondie ti resisite parmi bann mor pou sov nou depi zizman Bondie ki pros.

Nouvo Testaman dan Kreol Morisien

¹⁰ e pou atann so Garson Zezi dan lesiel, limem ki Bondie ti resisite parmi bann mor pou sov nou depi zizman Bondie ki pe aprose.

1 Tes 1:10 Iomraidhean Croise

Mt 1:21

Li pou donn nesans enn garson e to pou apel li Zezi. Avredir limem pou sov so pep ki dan pese.”

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimounn dapre seki li finn fer.

Mt 16:28

Laverite mo dir zot, ena parmi zot ki pa pou konn lamor avan ki zot trouv Garson Limanite revini dan so Rwayom.”

Mt 3:7

Ler li trouv enn kantite Farizien ek Sadiseen vinn kot li pou fer zot batize, li dir zot, “Bann espes serpan, kisann-la finn dir zot ki zot pou kapav evit koler Bondie?

Lk 2:25

Dan Zerizalem ti ena enn dimounn apel Simeon. Li ti viv enn lavi bien drwat, li ti devwe pou Bondie e li ti pe atann seki pou vinn sov Izrael. Lespri Sin ti ar li.

Lk 3:7

Alor li ti dir lafoul ki ti vini pou resevwar batem, “Bann espes serpan, kisann-la finn montre zot ki zot pou sape devan koler Bondie ki pe aprose?

Zistwar Bann Zapot 1:11

ki dir zot, “Bann abitan Galile, kifer zot pe kontign get lao dan lesiel koumsa? Sa Zezi-la ki finn separe ar zot pou al dan lesiel, pou retourne parey kouma zot finn trouv li ale.”

Zistwar Bann Zapot 17:31

parski li finn fixe enn zour kot li pou ziz lemond avek zistis par enn zom ki li finn swazir; e pou sa, li finn donn lasirans tou dimounn par aksion ki li finn fer, li finn relev li parmi bann mor.”

Zistwar Bann Zapot 2:24

Me Bondie finn resisit li, finn tir li dan douler lamor, parski li ti inposib ki lamor tini li dan so pouvwar.

Zistwar Bann Zapot 2:32

Bondie ti resisit Zezi depi lamor e nou bann temwin ki sa ti arive.

Zistwar Bann Zapot 3:15

Zot finn touy Sa-Enn ki donn lavi, me Bondie finn resisit li. Nou tou nou temwin sa.

Zistwar Bann Zapot 3:21

Aster-la li bizin res dan lesiel ziska ki seki Bondie finn anonse bien-bien lontan par so bann sin profet, realize.

Zistwar Bann Zapot 4:10

fode zot tou kone, e osi tou lepep Izrael, ki sa dimounn-la pe dibout devan zot an-bonn-sante gras-a pouvwar nom Zezi Kris ki sorti Nazaret, ki zot finn krisifie e ki Bondie finn resisite depi bann mor.

Let pou Romin 1:4

me dapre Lespri Sin, li deklare Garson Bondie avek enn gran pwisans kan ti resisit li depi bann mor.

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

Let pou Romin 4:25

Li ti finn livre dan lame lamor pou nou bann pese, e li finn releve pou rann nou zis devan Bondie.

Let pou Romin 8:34

Kisann-la kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

1 Ko 1:7

Zot pa mank okenn don ki Lespri Bondie done pandan ki zot pe atann Lesegner Zezi Kris aparet.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion-la, parski finn ekrir: “Malediksion pou dimounn ki pandi ar pie.”

Let pou Filipien 3:20

Me nou, nou bann sitwayen lesiel e nou pe atann nou Sover ek Segner Zezi Kris vini, li ki sorti depi laba.

Let pou Kolosien 1:18

Li, li latet lekor Legliz. Li koumansman, Premie-ne parmi bann mor, pou ki li tenir so premie ran dan tou.

1 Tes 1:7

Alor, zot finn vinn enn lexanp pou tou bann krwayan dan Masedwann ek Akaya.

1 Tes 2:16

Zot anpes nou anons bann payin mesaz ki kapav sov zot. Tou sa letan-la zot finn kontigne fer pese e samem zot dernie pese. Me zizman Bondie finalman finn tom lor zot.

1 Tes 2:7

pourtan, nou ti kapav inpoz lor zot nou lotorite kouma bann zapot Kris. Okontrer nou finn ena enn leker zanfan vizavi zot, parey kouma enn mama pran swin so zanfan.

1 Tes 5:9

Bondie pa finn fer nou pou soufer pinision me pou gagn delivrans par nou Segner Zezi Kris,

2 Tim 4:1

Mo dimann twa, dan prezans Bondie ek Lekris Zezi ki bizin vini pou ziz bann vivan ek bann mor par so manifestasion ek so regn,

Let pou Tit 2:13

Nou pe atann dan lesperans sa gran zour-la kot laglwar Bondie nou Sover dan Zezi Kris pou manifeste li.

Eb 10:27

nek zis reste pou atann dan lafreyer zizman Bondie ek dife lanfer ki pou detrir tou dimounn ki kont Bondie.

Eb 9:28

Alor Kris, ki finn ofer limem enn sel fwa pou efas pese enn kantite dimounn, li pou paret enn deziem fwa, pa pou efas pese, me pou sov bann ki pe vremem atann so retour.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pou ki zot lafwa ek zot lesperans repoz dan Bondie.

1 Pi 1:3

Ki Bondie, Papa nou Segner Zezi Kris, li beni; parski dan so gran mizerikord, li finn donn nou enn nouvo lavi ler li resisit Zezi depi bann mor, e li donn nou enn lesperans vivan;

1 Pi 2:21

Akoz samem ki Bondie finn apel zot parski Kris limem finn soufer pou zot, li finn donn zot enn lexanp pou zot swiv li.

1 Pi 3:18

Ofet, Zezi Kris limem li finn soufer pou pese tou dimounn; parey kouma enn inosan li finn mor pou bann koupab, pou li kapav amenn zot kot Bondie. Fizikman zot finn touy li, me li finn reviv spiritielman,

2 Pi 3:12

Letan ki zot pe atann zour Lesegner, zot bizin fer tou zefor pou ki li vinn pli vit. Sa zour-la, lesiel pou pran dife ek disparet e bann zetwal pou fonn ar saler.

2 Pi 3:14

Akoz samem, mo bann bieneme, letan ki zot pe atann sa zour-la, fer tou seki zot kapav pou ki zot res san tas, san okenn pese e ki li trouv zot pe viv anpe avek li.

Revelasion 1:18

momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.

Revelasion 1:7

Gete, li pe vini dan niaz! Tou dimounn pou trouv li, mem bann ki ti transpers li. Tou bann pep lor later pou rakonte. Wi koumsa mem sa pou ete. Amen.