1 Pi 1:8 - Nouvo Testaman Kreol Morisien Harmonisation NTPS KM

⁸ Mem si zot pa finn trouv li, zot kontan li; e mem si zot pa trouv li aster-la, zot krwar dan li e zot rezwir dan enn lazwa extraordiner ki pa kapav exprime,

Nouvo Testaman dan Kreol Morisien

⁸ Mem si zot pa finn trouv li, zot kontan li; e mem si zot pa trouv li asterla, zot krwar dan li e zot rezwir dan enn lazwa extraordiner ki pa kapav exprime,

1 Pi 1:8 Iomraidhean Croise

Mt 10:37

Seki kontan so papa oubien so mama plis ki mwa, li pa dign pou vinn mo disip.

Zn 14:15

“Si zot kontan mwa, zot pou obzerv mo bann komannman.

Zn 14:21

Seki gard mo bann komannman e met zot an pratik, mo kone ki li kontan mwa; seki kontan mwa, mo Papa pou kontan li e mwa, mo pou kontan li osi e li pou kone ki mo ete vremem.”

Zn 14:24

Seki pa kontan mwa, pa pou met mo parol an pratik. Parol ki zot pe tande pa sorti dan mwa, me sorti kot mo Papa ki finn avoy mwa.

Zn 16:22

Aster-la zot dan lapenn me kan mo pou retrouv zot ankor, zot leker pou dan lazwa e personn pa pou kapav retir sa lazwa-la ar zot.

Zn 20:29

Zezi dir, “Akoz to trouve, to finn krwar? Bienere seki krwar san trouve.”

Zn 8:42

Zezi dir zot, “Si Bondie ti vremem zot Papa, zot ti pou kontan mwa, parski mwa, mo sorti kot Bondie. Mo pa finn vinn par mo prop lotorite me par lotorite Sa-Enn ki finn avoy mwa la.

Zistwar Bann Zapot 16:34

Li fer Pol ek Silas mont kot li e li ofer zot enn repa. Li ek tou so fami ti dan enn gran lazwa parski zot finn krwar dan Bondie.

Let pou Romin 14:17

An-efe, rwayom Bondie pa enn zafer manze ou bwar, me li konsern drwatir, lape ek lazwa ki Lespri Sin done.

Let pou Romin 15:13

Ki Bondie, lasours lesperans, ranpli zot ar lazwa ek lape par lafwa ki zot ena dan li, pou ki zot lesperans deborde par pwisans Lespri Sin.

1 Ko 16:22

Si kikenn pa kontan Lesegner, ki li modi. Maranata. Vini Segner!

2 Ko 1:22

li finn met enn sele lor nou pou montre ki nou so zanfan, li finn met Lespri Sin dan nou leker kouma enn garanti bann dibien ki rezerve pou nou.

2 Ko 12:4

sa zom-la ti mont ziska paradi e laba li ti tann bann kiksoz ki pa kapav exprime, e ki okenn imin pa kapav repete.

2 Ko 4:18

Nou pa port nou latansion lor seki vizib, me lor seki invizib. Seki vizib li pou enn tan, seki invizib li eternel.

2 Ko 5:7

Nou viv par lafwa, nou pa viv par seki lizie trouve.

2 Ko 9:15

Anou loue Bondie pou so don inkonparab!

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Ef 3:19

lamour ki Lekris ena; enn lamour ki sirpas tou konesans, e ki ranpli zot antierman ar Bondie.

Ef 6:24

Ki lagras Bondie li res ar tou seki ena lamour eternel pou Lesegner Zezi Kris.

Let pou Filipien 1:25

Mo ena enn gran konviksion e mo sir ki mo pou res isi, e viv avek zot tou pou ed zot progrese dan lazwa ek lafwa.

Let pou Filipien 3:3

Nou, nou bann vre sirkonsi. Nou loue Bondie par so Lespri. Nou laglwar trouv dan Zezi e nou pa met nou konfians dan okenn imin.

Let pou Filipien 4:4

Rezwir zot touletan dan Lesegner. Mo repete; rezwir zot.

Eb 11:1

Lafwa vedir enn lasirans dan bann kitsoz ki to pe atann e enn konviksion dan kitsoz ki to pa trouve.

Eb 11:27

Par lafwa, Moiz ti kit Lezip, san ki li gagn per lakoler lerwa; li ti tini ferm parski li finn trouv Bondie invizib.

1 Pi 1:6

Sa bizin rann zot zwaye, mem si aster-la, pou enn tigit letan, zot bizin pas par tou sort kalite difikilte.

1 Pi 2:7

Pou zot ki krwar, sa ros-la ena enn gran valer, me pa pou bann ki pa krwar, “Ros ki bann konstrikter finn rezete finn vinn ros kwin prinsipal.”

1 Pi 5:4

E kan sef berze paret, zot pou resevwar enn kouronn laglwar ki pou briye pou touzour.