1 Pi 1:7 - Nouvo Testaman Kreol Morisien Harmonisation NTPS KM

⁷ Zot lafwa, li pli presie ki lor. Li pou pas dan leprev kouma lor ki fonn kan li pas dan dife pou prouv so vre valer. Lerla zot pou kapav dekouver lalouanz, laglwar ek loner kan Zezi Kris pou revel li.

Nouvo Testaman dan Kreol Morisien

⁷ Zot lafwa, li pli presie ki lor. Li pou pas dan leprev kouma lor ki fonn kan li pas dan dife pou prouv so vre valer. Lerla zot pou kapav dekouver lalouanz, laglwar ek loner kan Zezi Kris pou revel li.

1 Pi 1:7 Iomraidhean Croise

Psom 17:3

Si to examinn fon mo leker; si pandan lanwit to vey mwa, si to teste mwa, to pa pou trouv okenn blam kont mwa. Mo labous zame dir move kiksoz

Proverb 16:16

Rod lasazes plito ki lor; swazir bon rezonnman plito ki larzan.

Proverb 17:3

Nou servi dife pou teste lor ek larzan; zis LESEGNER ki kapav teste nou leker.

Proverb 8:19

Kado mo done vo plis ki lor, mem lor ki pli bon kalite; mo bann don vo boukou plis ki larzan meyer kalite.

Mt 19:28

Zezi dir zot, “Laverite mo dir zot, dan sa nouvo lemond-la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 25:21

So met dir li: ‘To finn bien fer, bon serviter fidel. To finn fidel pou enn ti zafer, mo pou met twa ansarz pli gran zafer ankor. Vinn partaz lazwa to met.’

Mt 25:23

So met dir li: ‘To finn bien fer, bon serviter fidel. To finn fidel pou enn ti zafer, mo pou met twa ansarz pli gran zafer ankor. Vinn partaz lazwa to met.’

Lk 12:33

Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze.

Lk 17:30

Koumsa mem pou ete zour Garson Limanite pou revel limem.

Zn 12:26

Si kikenn anvi servi mwa, fode li swiv mwa; la kot mo ete, mo serviter osi pou la; si kikenn servi mwa, mo Papa pou onor li.”

Zn 5:44

Kouma zot kapav ena lafwa, zot ki kontan resevwar grander ant zotmem e pa pe rod grander ki sorti kot sel vre Bondie?

Zistwar Bann Zapot 8:20

Me Pier reponn, “Twa ek to kas pou fini ansam! To panse to kapav aste sa don-la ar Bondie?

Let pou Romin 2:10

Parkont, tou seki fer dibien, Bondie pou akord zot laglwar, loner ek lape, ki li Zwif ki li non-Zwif,

Let pou Romin 2:29

non, me vre Zwif li interyer, dan leker. Sirkonsizion osi li dan leker, par Lespri Bondie, pa par seki finn ekrir. Sa, se vre Zwif, so louanz pa sorti kot bann imin, me kot Bondie.

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

Let pou Romin 8:19

Kreasion antie pe atann avek inpasians ki Bondie revel so bann zanfan.

1 Ko 3:13

so travay pou devwale zour zizman dapre valer ki li ena, parski sa zour-la tou travay pou vizib par dife. Dife pou teste travay-la, dife pou montre seki li vo.

1 Ko 4:5

Akoz sa pa pronons okenn zizman avan letan fixe, avan ki Lesegner retourne. Lesegner ki pou met okler bann kiksoz ki kasiet dan nwar, ki pou revel bann lintansion ki dan leker dimounn. Lerla sakenn pou gagn louanz ki Bondie ena pou li.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

1 Pi 1:13

Akoz samem zot bizin pare pou azir ar enn lespri eveye; met tou zot lesperans dan lagras ki Zezi Kris pou donn zot kan li pou revel li.

1 Pi 1:5

Ki pwisans Bondie gard zot dan lafwa, pou ki zot fer lexperyans delivrans ki pou revel li dan lafin letan.

1 Pi 2:4

Vinn kot li; li enn ros vivan. Mem si li finn rezete par bann zom, Bondie finn apresie li e finn swazir li.

1 Pi 2:7

Pou zot ki krwar, sa ros-la ena enn gran valer, me pa pou bann ki pa krwar, “Ros ki bann konstrikter finn rezete finn vinn ros kwin prinsipal.”

1 Pi 4:12

Mo bann kamarad, pa bizin ki zot etone par sa bann eprev-la koumadir kiksoz etranz pe arive.

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.

1 Pi 5:1

Aster-la momem, kouma enn ansien ek kikenn ki temwin bann soufrans Kris e ki ena so par dan laglwar ki pou revele, mo fer enn lapel ar bann sef Legliz ki la parmi zot:

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

2 Pi 1:4

Koumsa mem ki li donn nou sa bann don presie ki li finn promet, pou ki atraver sa, zot pou evit tom dan piez move dezir e zot pou kapav partisip dan so natir divinn.

2 Pi 3:14

Akoz samem, mo bann bieneme, letan ki zot pe atann sa zour-la, fer tou seki zot kapav pou ki zot res san tas, san okenn pese e ki li trouv zot pe viv anpe avek li.

Let Zid 1:24

Pou Sa Enn ki anpes zot tonbe e fer zot tenir san okenn fot dan prezans so laglwar avek rezwisans,

Revelasion 1:7

Gete, li pe vini dan niaz! Tou dimounn pou trouv li, mem bann ki ti transpers li. Tou bann pep lor later pou rakonte. Wi koumsa mem sa pou ete. Amen.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Revelasion 3:10

Parski to finn res fidel ar mo parol, mwa osi mo pou protez twa kont maler ki pou tap lemond antie e ki pou teste bann abitan later.

Revelasion 3:18

Alor mo konsey twa aste lor ar mwa, lor ki finn rafine dan dife, pou ki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.