1 Pi 1:6 - Nouvo Testaman Kreol Morisien Harmonisation NTPS KM

⁶ Sa bizin rann zot zwaye, mem si aster-la, pou enn tigit letan, zot bizin pas par tou sort kalite difikilte.

Nouvo Testaman dan Kreol Morisien

⁶ Sa bizin rann zot zwaye, mem si asterla, pou enn tigit letan, zot bizin pas par toutsort kalite difikilte.

1 Pi 1:6 Iomraidhean Croise

Psom 119:28

Sagrin pe pins mo leker; donn mwa lafors dapre to parol.

Psom 119:75

Mo kone ki to bann zizman zot baze lor drwatir, SEGNER, e to ti ena rezon pou imilie mwa dan to fidelite.

Psom 34:19

Dimounn ki obeir Bondie fer fas boukou traka me LESEGNER delivre li dan tousala;

Psom 35:10

Ar lazwa dan leker mo pou dir for-for, “SEGNER, pena to segon! To anpes seki for fer dominer ar seki feb; To anpes bann ris kraz seki pov.”

Psom 69:20

Kalomni kas mo leker, dezespwar trap mwa par lagorz. Mo ti rod sinpati, pena personn! Mo ti rod konsolasion me dan vid!

Psom 9:14

e ki permet mwa dibout divan lepep Zerizalem pou rakont zot kifer mo sant to louanz. Mo lazwa li gran parski to finn sov mwa.

Psom 95:1

Vini tou dimounn, anou sant louanz LESEGNER; Anou kriye for nou lazwa dan Bondie ki nou Sover.

Mt 11:28

Vinn kot mwa zot tou ki fatige, ki pe sarye enn fardo bien lour, mo pou donn zot repo.

Mt 26:37

Li pran Pier ek de garson Zebede ar li e li koumans santi enn gran tristes ek langwas.

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsa mem zot ti persekit bann ansien profet.

Lk 1:47

e mo leker ranpli ar lazwa akoz Bondie, mo Sover,

Lk 10:20

Pa gagn lazwa akoz bann lespri soumet devan zot, me gagn lazwa parski zot nom finn anrezistre dan lesiel.”

Lk 2:10

Me anz-la dir zot, “Pa gagn per, mo pe anons zot enn gran nouvel ki pou fer lazwa boukou dimounn:

Zn 16:22

Aster-la zot dan lapenn me kan mo pou retrouv zot ankor, zot leker pou dan lazwa e personn pa pou kapav retir sa lazwa-la ar zot.

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Let pou Romin 12:12

Montre lazwa dan lesperans, montre pasians dan detres, priye avek fidelite.

Let pou Romin 5:11

Ek ena plis ankor: nou met nou fierte dan Bondie par nou Segner Zezi Kris, par ki, aster, nou finn rekonsilie ar Bondie.

Let pou Romin 5:2

Akoz nou ena lafwa dan Lekris, li finn fer nou gagn akse ar lagras Bondie, e nou viv dan lexperyans sa lagras-la. Nou met nou fierte dan lesperans ki nou partaz laglwar Bondie.

Let pou Romin 9:2

ki mo ena enn gro sagrin dan mo leker ek enn soufrans ki pa fini.

2 Ko 4:17

Bann ti traka tanporer ki ariv nou pe prepar nou pou enn laglwar eternel ki extraordiner.

2 Ko 6:10

mem dan sagrin nou touletan zwaye; nou pov, me nou anrisi boukou dimounn; li paret ki nou pena nanye, me an-verite nou posed tou kiksoz!

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Let pou Filipien 2:26

Li ena enn gran dezir retrouv zot tou e li ti inkie ler li ti kone ki zot ti gagn nouvel so maladi.

Let pou Filipien 3:3

Nou, nou bann vre sirkonsi. Nou loue Bondie par so Lespri. Nou laglwar trouv dan Zezi e nou pa met nou konfians dan okenn imin.

Let pou Filipien 4:4

Rezwir zot touletan dan Lesegner. Mo repete; rezwir zot.

1 Tes 1:6

Zot finn imit nou ek Lesegner, malgre tou bann persekision, e zot finn resevwar laparol avek lazwa par Lespri Sin.

Let Zak 1:2

Mo bann kamarad, konsider li kouma enn lazwa letan zot fer fas avek bann moman eprev,

Let Zak 1:9

Ki enn krwayan pov trouv so fierte akoz Bondie lev li lao,

Let Zak 4:9

Zot bizin pran konsians zot mizer. Plore. Lamante. Ki zot riye sanze vinn plore; ki zot lazwa vinn tristes.

1 Pi 3:17

Parski vomie zot soufer pou fer dibien, si samem volonte Bondie, plito ki fer ditor.

1 Pi 4:7

Lafin tou kiksoz pe aprose. Zot bizin serye ek disiplinn zotmem pou zot kapav priye.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors ek ranz zot lexistans lor enn baz solid.