1 Pi 1:4 - Nouvo Testaman Kreol Morisien Harmonisation NTPS KM

⁴ enn leritaz ki finn rezerve pou zot dan lesiel, ki pa pou disparet, ni gate oubien fletri.

Nouvo Testaman dan Kreol Morisien

⁴ enn leritaz ki finn rezerve pou zot dan lesiel, ki pa pou disparet, ni gate oubien fletri.

1 Pi 1:4 Iomraidhean Croise

Psom 31:19

Li vreman gran sa bonte ki to rezerve pou dimounn ki ena respe pou twa! Devan lizie tou dimounn to montre to bonte pou bann ki fer twa konfians.

Psom 47:4

Li finn swazir enn patrimwann pou nou, parski li kontan nou, fierte Zakob.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Mk 10:17

Letan Zezi ti pe sorti pou ale, enn dimounn galoupe, vini, tom dan so lipie e dimann li, “Met, twa ki bon, ki mo bizin fer pou gagn lavi eternel an-eritaz?”

Zistwar Bann Zapot 20:32

Aster-la mo remet zot dan lame Bondie. So parol montre so lagras ki kapav donn zot lafors. Sa lagras-la donn zot enn leritaz parmi bann ki li finn sanktifie.

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

1 Ko 9:25

Dan lantrennman, sak atlet inpoz limem enn disiplinn bien sever. Zot fer sa pou gagn enn kouronn ki pa res pou touletan; me nou, nou fer nou travay pou gagn enn kouronn ki so valer zame gate.

Ga 3:18

Si leritaz ki Bondie done, depann lor lalwa, li pa enn promes; me Bondie dan so lagras ti donn sa Abraam par enn promes.

Ef 1:11

Dan nou linion ar li, nou finn resevwar enn leritaz ki ti promet nou, parski Bondie ti finn swazir nou davans, dapre so plan,

Ef 1:14

Lespri Sin, li enn lavans lor leritaz ki Bondie rezerve pou so pep. Sa donn nou lasirans ki Bondie pou akord nou delivrans final. Anou donn li laglwar!

Ef 1:18

Mo priye ki li ouver zot leker ver so lalimier pou zot kone dan ki lesperans li pe apel zot, ki rises e ki mervey ena dan so leritaz ki li pe donn zot parmi pep Bondie,

Let pou Kolosien 1:12

remersie Bondie Papa ki finn fer zot gagn zot par dan leritaz bann disip dan lalimier.

Let pou Kolosien 1:5

akoz sa lesperans ki pe atann zot dan lesiel; zot finn tann lanons sa lesperans-la avan, par Bonn Nouvel, Parol laverite

Let pou Kolosien 3:24

Parski zot kone ki leritaz zot pou resevwar an rekonpans ar Lesegner. Se Lekris ki Lemet, e zot pe servi li.

2 Tim 4:8

Aster-la, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Eb 10:34

Zot finn pran par dan soufrans bann prizonie. Dan lazwa, zot finn aksepte ki bann-la kokin tou zot dibien parski zot kone ki zot, zot posed kitsoz ankor pli meyer e ki pou reste pou touletan.

Eb 9:15

Ala kifer li mediater enn nouvo lalians, pou ki bann ki finn apele kapav resevwar leritaz eternel ki finn promet, parski finn ena enn lamor ki finn vinn efas fot ki zot finn komet anba ansien lalians.

Let Zak 1:11

Soley lev avek enn saler diplon ki bril bann plant; so bann fler tonbe e so bote disparet. Li parey avek enn dimounn ris; li pou disparet pandan ki li okipe ar so aktivite.

1 Pi 3:9

Pa rann lemal par lemal, oubien, insilt pou insilt; okontrer reponn par enn benediksion, parski Bondie finn promet zot benediksion kan li finn apel zot.

1 Pi 5:4

E kan sef berze paret, zot pou resevwar enn kouronn laglwar ki pou briye pou touzour.

Revelasion 21:27

Me okenn inpirte pa pou rant dan lavil-la, ni personn ki pratik abominasion ou mansonz, me zis dimounn ki so nom finn ekrir dan liv lavi Agno.