Filemoŋ 1:6 - Kawvun mə Mbrew kə Nyeme

⁶ Na wə o Ifray kədan a ta' dan məni ha ve nə ne kə sôwâ məsin kəri daŋ'ŋ: A də kofo kə we kwa mə ɓay cem cem daŋ' məni namba kə ndi wə du ɓa mba kə Kris.

Filemoŋ 1:6 Iomraidhean Croise

Matiye 25:16

Bə sin məni fe mbu vatl 'ya dle kəkor sar ta gi par kə səlay rum, ɓay mum fe mbu məsin vatl ta han wa rumu.

Matiye 5:16

Ndəna' ta', ri mə ɓu mi nə ɗeri kor sôwâ kədan handay we sin mə ɓay məni hi wə gi, ɓay kədan handay gi mbra' ne kə Ba mi məni wə wafraya.»

1 Koriŋtə 14:25

ɓay dan ɗik um məni pe' 'yeŋ kuni də wur rəka wə ri mə ɓu. Zə rum, mum də kuduk nya ɓay də bur Ifray kə in i kəzin', Ifray kəta' du ri!

1 Koriŋtə 16:9

Zə na fe vari kədan na gi sin mə toŋ wə ti kə bəka rum, ko kəri məni sum sî rin kəta' wə ti rawa.

Filip 4:8

Daw ba man, dan məni gwa' nə ni na: I njay vunduk ri daŋ' wa kwa mə ɓay, ɓay kwa məni nde i bur, wa kwa mə kəzin', kwa mə kəri mbâ, kwa mə njeŋ, kwa mə ɓay, kwa mə kəɗam, ɓay kwa mə kə mbra', i gi kwa məni kuna.

Kolosə 1:9

Zə rum, daka bəka məni namba mun dan wa ri, namba cu ar in dan kə Ifray zə ri mi. Namba wə o Ifray kədan nə nyen wa ri kə kwawe kədan hi we kwa məni mum wə wa', ɓay kədan Simbeɗ um mi ne gwet kə kwawe mə du simbeɗ daŋ'ŋ.

Kolosə 3:10

ɓay hi ge kpak tu mə mbrew wə tu ri, kpak rum nə swə mə mbrew məni Ifray wə gila' rum bəka ɗaw ɗaw daŋ' hâ mum faŋ ce' ndə bə ri rum, kədan bə rum gak we Ifray cete.

Titə 3:14

Say sôwâ mba kuni wum vari gi sin mə ɓay ta', kədan kuni kawɓa sôwâ məni kə mê' kawɓa. Handay la' cu gi ndəna' mi si, sin nday daŋ' də ke uraya.

Hebre 6:10

Ifray cu vur vur mi. Mum cu ɗumwa sin mi məni hi wə gi, ko bə mi məni hi ta' ne num kə sin məni hi gi pâ hay' daw ba mi məni ve Kris, ɓay hi wə gi rum mgbaŋ ni nə mi.

Zakə 2:14

Daw ba man, swə la' in i mum kə ô, ama sin cem cem məni mum wə gi kuni cu ta' i mum cu ve Kris mi si, dan um kə sin mi su? Dan məni mum ve gak um siɗ su?

Zakə 2:17

Ndəna' kə sôwâ məni ve Kris ta', swə la' cu ta' i mum ve Kris kə gi sin mə ɓay mi si, ka dan məni mum ve nə mara.

1 Piyer 2:12

I ta kə ɓayrum wə du sôwâ məni cu we Kris mi, kədan kəri məni handay la' wə tum sem ri kə dan mə bro' si, handay gak we sin mə ɓay cem cem məni hi wə gi ɓay handay də gi mbra' ne kə Ifray kə bəka məni mum wə də mba.

1 Piyer 3:1

Ndəna' ta', rawkwa, i ke kə mun vun njiwkwa mi kədan njiwkwa məsin du nday la' cu ve dan Ifray mi si, handay də um ve zə ta mi. Cu kə sin kədan hi ge dan ri' mi,

1 Piyer 3:16

Ama i pay zu dan rum kə kəɗam kə nday mbâ, i ke kə dan ɗik vunduk mə ɓay kədan kəri məni sôwâ məsin wə tum sem ri, zur wə də nday gi wa dan mə bro' məni handay wə ge wa ta mə ɓay mi məni hi wə ta du ɓa mi kə Kris.

2 Piyer 1:8

Say i ke kə kwa məni kuni, ɓay hi la' kə kwa rum ɓayrum si, kwa rum də mi gi faŋ sum sin məni wə gi sin nday njeŋ kəri məni hi wə də kofo kə we Bârî mba Zezu Kris.