Titus 1:3 - Sa Ugud Apudyus

³ Ḵad sa ustu we timpu, impaigammuna'tta tagu mipagapu'tte Ambaḻu we Damag. Ḵad sa sadi ye Ambaḻu we Damag, intaḻgodna ḵan saḵon ta siya iwaḻagawagḵu. Te aḵ Apudyus we nanagu ḵan ditaḵu, siya bos imbilinna ḵan saḵone ḵooḵ.

Titus 1:3 Iomraidhean Croise

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

Mark 13:10

Ḵasapuḻane umuna yan mibaga Ambaḻu we Damag atta losane ili'tte luta asiyot anungus ni lubung.

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

Luke 1:47

Amoamod layadḵu, ḵan Apudyus we Anagu ḵan saḵon.

Acts 10:36

Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

Acts 17:26

Aḵ Apudyus nangwa si ummunae tagu we sa naḻpuwan da losane kalasin di tagu'tte ḵinailin di ili si luta ya ḵingwana dida'ḵ inggaw si intero we luta. Inḵoddongna bos timpu ya da boddong da lugar we igawda.

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

Romans 16:26

Yaḵon sinsana, annae nipaigammu ya mipagapu'tta inggilin da profetan Apudyus nipaigammu'tta losane tagu we mibatay atte bilin Apudyus aḵ inggana ta tumuttuwada gapu si amatiyanda ḵan siya.

Romans 5:6

Sissiyae ippun ḵabooḻan taḵu we angwa si pinion Apudyus, natoy aḵ Kristu atte ustu we timpu para'tta ḵabasbassuḻan.

1 Corinthians 9:17

Te nu saḵon namili si annae ḵewaaḻḵu, awad de ḵaḻabbongaḵe matangdanan. Yaḵon gapu ta intaḻgod Apudyus ḵan saḵon, ḵooḵ da piona paḵwa taḵon ay nu ippun tangdanḵu.

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.

Ephesians 1:10

Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.

Ephesians 2:17

Ḵad ummali'ḵ Kristu si annae lubung woḵ iwwaḻagawagna'tta Gentil we adayu ḵan Apudyus si awe ya da Judyu we adani ḵan Apudyus mipanggob atte inon da tagu we allin-awa maḵabuḻbuḻunanda ḵan Apudyus.

Philippians 1:13

Pun inigammun da losane suḻdadu we nangguwaḻda si palas ya da losane tagu sinae ippun udum aḵ gapun ni nibaḻudaḵ yaḵon sa anserbiyaḵ ḵan Kristu.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.

1 Timothy 1:1

Saḵon aḵ Paul we nadutuḵan aḵ apostol we sammilun Jesu Kristu, gapu'tte bilin Apudyus we anagu ḵan ditaḵu ya aḵ Jesu Kristu we namnamaon taḵu'ḵ angwa'tta losane uuwayon taḵu.

1 Timothy 1:11

Sa ḵatuttuwaane intuttuduḵ, mibatay si Ambaḻu we Damag we intaḻgod ni ḵangatuwan ḵan madaydayawe Apudyus ḵan saḵon.

1 Timothy 2:3

Annaya ambaḻu ya siya mas-oman Apudyus we anagu ḵan ditaḵu.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.

Titus 2:10

baḵon nu an-aḵaw atta ḵuḵuwada yaḵon ipailada oḵyane pasige tuttuwae mataḻgodanda ta maila ḵinabaḻun da mituttudu we mipanggob ḵan Apudyus we anagu ḵan ditaḵu gapu'tta losane ḵoonda.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Revelation 14:16

Pun sa tummutuḵdu si libuu, inggapasna ḵad gagapasna, naani da losane maani'd luta.