Romans 2:3 - Sa Ugud Apudyus

³ Yaḵon siḵae anguwis si ḵinalaweng da udume tagu yaḵon ḵingwam os da ḵoḵoḵḵonda, maḵailigsiḵa ḵamman si madusaam ḵan Apudyus?

Romans 2:3 Iomraidhean Croise

Matthew 23:33

Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu!

Matthew 26:53

Adimpun ḵamman igammu we maḵwa ampabadangaḵ ḵan Apudyus we amaḵ ḵad daguse nangibuun aḵ ḵalibulibu we anghel?

Luke 12:14

Yaḵon ḵanan Jesus, “Awad ḵamman ḵaḻabbongaḵ aḵ angilintog ḵan diḵayu we duwa'tta laḵsunyu?”

Luke 22:58

Panos ḵad, inninggaw os laḻaḵi ye nangimatun ḵan siya woḵ ḵanana, “Siḵa osa ḵan dida.” Yaḵon ḵanan Peter, “Daḵanaḵpun.”

Luke 22:60

Yaḵon ḵanan Peter, “Sa ḵatuttuwaan ippun igammuḵ si sanate ugudonyu.” Daampun ḵad magangput ugudona, nanullaḵuḵ ḵawitan.

Romans 1:32

Taḵon ay nu igammuda tuttudun Apudyus we labbongdae madusa'ḵ inggana da tagu we angwa'tta ḵatti, sissiyae ḵoonda. Daḵampun aḵ abus ḵoonda nu adi ayunanda bos da udume angwa'tta ḵaḵnat.

Romans 2:1

Pun siḵae anguwis si ḵinalaweng da udum, adiḵapun maḵailigsi si madusaam ḵan Apudyus, taḵon ay ngai ḵinatatagum. Te nu ḵuwisom ḵinaḻaweng da udum ya ḵingwam os da isun da ḵoḵoḵḵonda, siya ḵoom madusaam ḵan Apudyus.

Romans 2:2

Igammu taḵu we ustu anḵuḵuwis Apudyus atta angwa'tta ḵassadi.

Romans 9:20

Yaḵon ngaiḵa ḵammane sumongbat ḵan Apudyus? Maḵwa ḵammane ḵanan ni nadiwin atte nandiwin, “Ngaipa ḵaḵna nangwam ḵan saḵon?”

1 Thessalonians 5:3

Ḵanan ḵad da tagu, “Allin-awa ḵani ya ippun ambinsawanni,” nadanatong dusae itton Apudyus ḵan didae isuna mapoḵḵatane sumigab buwang ni bubai ye anggumut. Ḵad naippun ossaan aḵ maḵaawid.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.