Revelation 8:3 - Sa Ugud Apudyus

³ Dummatong osae anghel we aangdon atte buḻawane iiggaan ni incenso woḵ ummoy summiḵad atte buḻawane altar. Naittan aḵ adu we incenso aḵ midoga'tte luwaḻun da losane tagun Apudyus aḵ masgob ya midatun ḵan Apudyus atte altar we awad atte sinagung ni trono.

Revelation 8:3 Iomraidhean Croise

Luke 1:10

Sa nanogobana, inninggaw da amode tagu we nalluwaḻu'ḵ lasin.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 9:4

Da awad si sanae kuwartu, sa buḻawane altar we sosoggoban ni incenso ya sa ḵasun ni tuḻage nadayusan atte buḻawan. Da awad ad daḻom si annae ḵasun sa buḻawane angange inggawan ni manna ya sa summimite suḻḵud Aaron ya da duwae nadabdabbi ye batu we nigiliyan ni tuḻag Apudyus.

Revelation 10:1

Naabus ḵad, innilaḵ osae maḵabooḻe anghel we dummoḻadoḻae naḻpu'd langit. Naḻaḵbungan atte libuu ḵad inninggaw abungaḻ atte ngatun ni uḻuna. Sa bosaḻna ḵad, sumelaselape isunan init ya isunan natutuude gilab di apuy da suḵina.

Revelation 14:18

Tummoḵwaḻ os osae anghel we naḻpu si igaw ni altar we siya simbiyange angiyaadog si apuy. Nampoḵaw atte aangdon si antadome gagapas woḵ ḵanana, “Aḻam gagapasnu ta gapasom da bungan da de grape ad luta te andi ye naḻ-umda.”

Revelation 5:8

Innaḻana ḵad naḻuḵube ḵopel, ummoy losan da opate ḵingwam ya da duwampuḻu ya opate angipangpangu we nanalluḵu si sinagung ni Ubbu we Karnero. Sin-ossaossa ḵan dida nangdon aḵ arpae sa usarondae andayaw ya sa buḻawane maḻuḵunge napnu'tte incenso we luwaḻun da tagun Apudyus.

Revelation 6:9

Niloḵtan ḵad ni Ubbu we Karnero ḵumalimae maḻḵan ni naḻuḵube ḵopel, innilaḵ atte dugun ni altar da ḵalidodwan da napatoy gapu si nangiwaḻagawaganda si Ugud Apudyus ya sa nanaḵdoḻanda si tuttudun Jesus.

Revelation 7:2

Pun innilaḵ osae anghel we ngumatungatu we naḻpu'tte dumingitan inite oonnana maḻḵae ḵuwan ni matattagu we Apudyus. Pinoḵawana da opate buḻunnae anghel we innattan Apudyus aḵ ḵaḻabbongane anadail si luta ḵan baybay,

Revelation 8:4

Sa asuḵ ni incenso, nampangatu we nidoga luwaḻun da tagun Apudyus we naḻpu si iman ni anghel we sisiḵad atte sinagung Apudyus.

Revelation 8:5

Naabus ḵad, innaḻan os ni anghel iiggaan ni incenso woḵ punuwona si bumaḻabaḻae usinge naḻpu si altar woḵ imbintugna'd luta. Pune sadi inninggaw angulḵuliyatyate ḵilat ya sa andangsoḻe ḵiduḻ, da udume aguduud ya nidisan os lunig.

Revelation 9:13

Pun nanangguyub ḵad miḵanome anghel, dingngoḻḵu gingae naḻpu'tte opate sakkud ni buḻawane altar atte sinagung Apudyus.