Revelation 7:3 - Sa Ugud Apudyus

³ woḵ ḵanana, “Adiyu yan dadailon luta baḵon nu sa baybay baḵon nu da ḵayu inggana'ḵ maḻḵaanni da ḵiday da nanserserbi si Apudyus taḵu.”

Revelation 7:3 Iomraidhean Croise

Matthew 24:22

Ḵad nu adin Apudyus simsimmoḵe paabobbaon sanate timpu, naippun tagu'ḵ matagu. Yaḵon gapu'tte ḵadaguna'tta pinilinae taguna, pinaabobbana sadi ye timpu.

Matthew 24:31

Ḵad guminga andangsoḻe tangguyub ya ibuunḵu da anghelḵu'tta losane dugyun ni lubung ta umoyda dagupon da losane pinilin Apudyus we taguna.”

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 3:33

Ḵad da amati'tta ibagana, panoḵnoḵandae tuttuwa ibagan Apudyus.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

Revelation 13:16

Impatut os ni sanae ḵumagwae ayame nammaḻḵa'tta losane tagu'tta madawinane imada baḵon nu da ḵidayda. Taḵon ay da nangatu we tagu ya da ḵamḵama, da babaḵnang ya da ḵaḵapus, da musassu ya da daḵampun aḵ musassu, impatutnae mamaḻḵaanda.

Revelation 13:17

Ḵingwana ḵatti ta naippun paat tagu'ḵ maḵwae allaḵu baḵon nu ngumina nu adi namaḻḵaan si ngadan ni ummun-unae ḵaog-ogyate ayam baḵon nu sa belange sinyal ni ngadanna.

Revelation 14:1

Nantollongaḵ ḵad os ḵasin, andi Ubbu we Karnero we tataḵdog atte beleg Zion. Ḵad inninggaw os da tataḵdoge nidoga ḵan siyae naḻpaan aḵ opatpuḻu ya opatlibu we tagu we nigili'tta ḵidayda ngadan ni Ubbu we Karnero ya sa ngadan Amanae Apudyus.

Revelation 14:9

Nipasani bos ḵumaḵlu we anghel atta duwae ummuna. Gumminga bos si andangsoḻe ginga woḵ ḵanana, “Nu awad andayaw si ḵaog-ogyate ayam ya sa sinan-ayame ḵais-isuna ya namaḻḵaan da ḵidayda baḵon nu da imada'tte maḻḵan ni ḵaog-ogyate ayam,

Revelation 19:2

Te tuttuwa ḵan naun-unan anḵuḵuwisna. Inḵoddongnae madusa nandindinamage puta te siya nangawis atta tagu'd lutae midoga si ḵaissawe ugalina. Ḵad imbaḻos Apudyus ḵan siya da gingngatnae nanserbi ḵan siya.”

Revelation 20:4

Pun innilaḵ da tummuḵdu'tta trono we naittan aḵ ḵaḻabbongane anḵuwis. Innilaḵ os da ḵalidodwan da nagongat gapu'tte nangitaḵdoḻanda'tte mipanggob ḵan Jesus ya sa nangiwaḻagawaganda si Ugud Apudyus. Dida da adipun nandaydayaw atte ḵaog-ogyate ayam ya sa sinan-ayame ḵais-isuna. Adidapun os impamaḻḵa da ḵidayda baḵon nu da imada. Nataguda bos ḵasin woḵ nidogada ḵan Kristu we nampangat si sillibu we tawon.

Revelation 22:4

Ḵad ilanda bosaḻna ya migili ngadanna'tta ḵidayda.

Revelation 6:6

Dingngoḻḵu isun di gingae naḻpu si gawan da opate matattagu we ḵingwame ḵanana, “Sa umali ye aḻgaw, awad de inggi. Ḵad sa tangdan ni osae tagu'tte sin-aḻgaw duwan supae wheat baḵon nu gogwan di kilo we arinae barley ye ossaane palata nginana. Yaḵon adim dadailon mantika ya sa bayas.”

Revelation 7:1

Naabus ḵad, innilaḵ da opate anghel we sumisiḵad atte opate dugyun ni lutae sosondonda opate maḻpuwan ni bibbid ta adi oḵyan mabibbidan luta, baybay ya da ngaimane ḵayu.

Revelation 7:2

Pun innilaḵ osae anghel we ngumatungatu we naḻpu'tte dumingitan inite oonnana maḻḵae ḵuwan ni matattagu we Apudyus. Pinoḵawana da opate buḻunnae anghel we innattan Apudyus aḵ ḵaḻabbongane anadail si luta ḵan baybay,

Revelation 9:4

Nibilin ḵan didae adida dadailon da lumun, ḵayu ya da udume allilingsi ye muḻa'd luta yaḵon siya abus aḵ dadailonda da tagu we adipun namaḻḵaan da ḵidayda si maḻḵan Apudyus.