Revelation 7:2 - Sa Ugud Apudyus

² Pun innilaḵ osae anghel we ngumatungatu we naḻpu'tte dumingitan inite oonnana maḻḵae ḵuwan ni matattagu we Apudyus. Pinoḵawana da opate buḻunnae anghel we innattan Apudyus aḵ ḵaḻabbongane anadail si luta ḵan baybay,

Revelation 7:2 Iomraidhean Croise

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Matthew 26:63

Yaḵon gummiginnoḵ. Pun inḵasin os ni ḵangatuwane padi ḵanan, “Sa sinagung ni matattagu we Apudyus, ibagam ḵan diḵani nu siḵa Kristu we Abeng Apudyus.”

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

2 Corinthians 1:22

Innatod Apudyus Ispiritunae iinggaw ḵan ditaḵu we isun di maḻḵae ditaḵu da taguna ya sa Ispiritunae iinggaw ḵan ditaḵu amanoḵnoḵan taḵu we ittona da losane inkarina.

Ephesians 1:13

Ḵad diḵayu bose niyossaan ḵan Kristu, dingngoḻyu ḵad ḵatuttuwaane Ugudna we sa Ambaḻu we Damag mipanggob atte mataguwanyu, namati ḵayu ḵan Kristu woḵ namaḻḵaan ḵayu si Ispiritu Santu we inkarina.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

1 Thessalonians 1:9

On didae mismu nangug-uggud atte inonyu we nammangili ḵan diḵani ya sa inonyu bose nangiyagaye amati'tta sinan-apudyus woḵ ansagung ḵayu anserbi'tte tuttuwa ḵan matattagu we Apudyus.

2 Timothy 2:19

Yaḵon taḵon ay nu awad da isudae angituttudu si tinutuli, adipun paat mabaliwan tuttuwae Ugud Apudyus te isun di ampagdot nisaadanae tinaḵad Apudyus we adipun paat magitot. Awad de nigili ye ḵanana, “Igammun Apudyus da tagu we ḵuwana.” Sa osa bose nigili si awe, ḵanana, “Nu ngai ḵananae namati ḵan Apu, ḵasapuḻane an-awidana da lawweng.”

Hebrews 12:22

Yaḵon ummadani ḵani si beleg Zion ya sa siyudad ni matattagu we Apudyus ya sa baru we Jerusalem we awad ad langite madagudagupan da ḵalibulibu we anghel we andayaw ḵan siya.

Revelation 1:3

Pian tagu we angidangsoḻe amasa'tte annae padtu we nipaigammu ḵad pian os da andongoḻ ya amati'tta losane nigili si anna te madam-an timpu we mituttuwaanda.

Revelation 10:1

Naabus ḵad, innilaḵ osae maḵabooḻe anghel we dummoḻadoḻae naḻpu'd langit. Naḻaḵbungan atte libuu ḵad inninggaw abungaḻ atte ngatun ni uḻuna. Sa bosaḻna ḵad, sumelaselape isunan init ya isunan natutuude gilab di apuy da suḵina.

Revelation 10:4

Isaḻadḵu oḵyane angigili'tta imbagan da ḵiduḻ yaḵon dingngoḻḵu gingae naḻpu'd langite ḵanana, “Adim igili imbagan da pitu we ḵiduḻ. Ilimodnu dida.”

Revelation 16:12

Pun intuyaḵ os ni ḵumanome anghel inggaw si maḻuḵungna'tte daḵodaḵoḻe tawwang Euphrates woḵ nattuḵan danum ta maḵwae ayon da ari ye maḻpu si ḵapon atte dumingitan init.

Revelation 5:2

Innilaḵ os anghel we daḵoḻ ḵabooḻanae iwwaḻagawagna'tte andangsoḻe gingae ḵanana, “Ngai ḵamman awad ḵaḻabbonganae alloḵta'tta sanae maḻḵa ta buḵyagona naḻuḵube ḵopel?”

Revelation 8:3

Dummatong osae anghel we aangdon atte buḻawane iiggaan ni incenso woḵ ummoy summiḵad atte buḻawane altar. Naittan aḵ adu we incenso aḵ midoga'tte luwaḻun da losane tagun Apudyus aḵ masgob ya midatun ḵan Apudyus atte altar we awad atte sinagung ni trono.

Revelation 9:14

Ḵanana'tte ḵumanome anghel we nangdon aḵ tangguyub, “Inḵa uḵasan da opate anghel we nibawod atte igaw ni daḵoḻe tawwang Euphrates.”

Revelation 9:4

Nibilin ḵan didae adida dadailon da lumun, ḵayu ya da udume allilingsi ye muḻa'd luta yaḵon siya abus aḵ dadailonda da tagu we adipun namaḻḵaan da ḵidayda si maḻḵan Apudyus.