Revelation 2:3 - Sa Ugud Apudyus

³ Igammuḵ ḵinaanusyu we angiyattom atta ampaḵaḻamanyu gapu ḵan saḵon ya adiḵayupun maayong.

Revelation 2:3 Iomraidhean Croise

Mark 15:21

Sa inggawanda si daḻan, inabotda'ḵ Simon we iCyrene, sa aman da Alexander ḵan Rufus we naḻpu'tta ili ye umoy si siyudad. Impatutdae buḵudona de kros Jesus.

Luke 14:27

Ḵad ngaimane adinapun bubuḵḵudon de krosna ya maḵasaganae ampaḵaḻam ḵan matoy ta mitun-ud ḵan saḵon, adipun mibelang aḵ disipuluḵ.

Luke 18:1

Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.

Luke 21:19

Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

Luke 5:5

Ḵanana, “Apu, illabḻabini gaye nangugadiw woḵ ippun paat innaḻani. Yaḵon gapu ta imbagam, iyadayuni ta uyudonni da tabuḵuḻni.”

Luke 8:15

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

Romans 16:12

Pakumustaonyu da Tryphaena ḵan Tryphosa we anserbi ḵan Apu Jesus, isuna bos ḵan Persis we ay-ayatoḵe pummangog nanserbi ḵan Apu.

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

Romans 8:25

Yaḵon gapu ta namnamaon taḵu daantaḵupun ilan, ḵasapuḻane anusan taḵu uwayon.

1 Corinthians 13:7

Sa tagu we angayat atta asintataguna, pagatupanae angayat taḵon ay nu awad da ampaḵaḻaman baḵon nu maḵabasuḻ da udum ḵan siya. Ḵad pagatupanae amati ya annamnama.

1 Corinthians 16:16

Patganyu oḵyan da tagu we ḵassadi ḵad taḵon ay os da losane maḵaḵewaaḻ ḵan maḵaserbi ḵan dida.

2 Corinthians 10:15

Ḵad adinipun isḵaḻ ḵingwan da udum yaḵon isḵaḻni bos da impaḵwan Apudyus ḵan diḵani. Namnamaonni ye pumigsapigsa oḵyan pammatiyu ta awad badangni ye angwa'tta udume paḵwan Apudyus ḵan diḵani,

2 Corinthians 11:23

Ḵad nu ḵanandae anserbida ḵan Kristu, amo nabaḻbaḻu anseserbiḵ ḵan siya nu dida. Isuḵ nin nadongdong-ogane angibaga'tta ḵassana! Amo nasigab ḵewaaḻḵu nu dida, adu timpu we nibaḻudaḵ, naap-aplitaḵ ya adu naamusanaḵ si ḵatoy gapu'tte anserbiyaḵ ḵan Kristu.

2 Corinthians 4:1

Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya.

2 Corinthians 4:16

Pun gapu'tta sana, adiḵanipun paat madismaya te taḵon ay nu maas-assinut ḵumuya da long-agni, inaḻgaw ose mapabaru naispirituwane ḵinatataguni.

2 Corinthians 5:9

Pun taḵon ay nu inggaw taḵu'd luta baḵon nu ad langit, igga taḵu ḵabooḻan taḵu we angwa'tta mas-oman Apudyus.

2 Corinthians 6:5

Annaya da udume ampaḵaḻamane nilaḵ-amni. Nangampigae naap-aplit ḵani, nibaḻud ḵani, ginulugulun diḵani, maayoayong ḵani'tta ḵoonni, mapuyapuyatan ḵani ḵan mauḻauḻat ḵani.

Galatians 6:2

An-asibadang ḵayu nu awad andagson aḵ problemayu te nu ḵatti ḵoonyu, tinuttuwayu lintog Kristu.

Galatians 6:9

Pun siya gapunae aditaḵu oḵyan mappoge angwa'tta ambaḻu te dumatong ustu we timpu we angittan Apudyus ḵan ditaḵu'tta gunguna nu adi taḵu mappoge anguuway.

Philippians 2:16

Ḵad popotpotanyu Ugud Apudyus we angitod si biyag aḵ inggana. Te nu ḵoonyu da sadi, diḵayu da isḵaḻḵu si ḵasine umaliyan Kristu. Igammuḵ ose adipun natangga pangogḵu we nanḵewaaḻ.

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 2:9

Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

1 Thessalonians 5:12

Ḵodawonni ḵan diḵayu susunudḵu ḵan Kristu ta patganyu da angipapati antuttudu, da angipangat, da angayyuwan ya da amagbaga ḵan diḵayu ta pumigsa ḵayu'tte pammati ḵan Apu.

2 Thessalonians 3:13

Susunudḵu ḵan Kristu, adiḵayu mappoge angwa si ambaḻu.

2 Thessalonians 3:5

Oḵyan nu idaḻan Apu da somsomoḵyu'tte ayat Apudyus ya sa ḵinaanus Kristu.

2 Thessalonians 3:8

Daḵampun os aḵ adini binayadan da ḵinanni te pummangog ḵani ye nanḵewaaḻ atte inaḻgaw ya nilabi ta adi ḵayu ampaḵaḻam atta masapuḻni.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

1 Timothy 5:17

Sa mipanggob atta angipangpangu'tta namati ye ambaḻu angidaḻananda, ibelangyu oḵyan dida'ḵ mapadayawan ya ustu tangdanda. Amod ay da angiwaḻagawag si Ambaḻu we Damag ya da antuttudu.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

Hebrews 13:13

Intaḵu ḵan Jesus atte lasin ni ḵampu, ta ampaḵaḻam taḵu'tta nibabbainana.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

Hebrews 6:12

Adinipun pione bumaduuḻ ḵayu nu adi miyisu ḵayu oḵyan atta udume gapu'tte pammatida ḵan ḵinaanusda, tawidonda inkarin Apudyus.

Hebrews 6:15

Gapu ta inan-anusan Abraham inuway, inawatna inkarin Apudyus.

2 Peter 1:6

Sa angigammuwanyu, ḵasapuḻane tupodonyu da long-agyu ya ḵasapuḻane attomanyu nu magulugulu ḵayu. Ḵad dog-anyu bos atte naapudyusane antatagu.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.