Revelation 1:5 - Sa Ugud Apudyus

⁵ Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 1:5 Iomraidhean Croise

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 13:34

Ittoḵ ḵan diḵayu baru we bilin. Ḵasapuḻane an-asiayat ḵayu we isun ni an-aayatḵu ḵan diḵayu.

John 15:9

“Ayatoḵ diḵayu we isun ni an-aayat Amaḵ ḵan saḵon. Pun iinggaw ḵayu ḵan saḵon ta padasonyu ayatḵu.

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

John 3:11

Ibagaḵ ḵan siḵa ḵatuttuwaan, siya panoḵnoḵanni igammuni ya da innilani yaḵon adiyupun patiyon.

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 3:32

Ibagana da innilana ḵan dingngoḻna yaḵon aḵit da amati'tta ibagana ḵan dida.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 26:23

Te ḵasapuḻane ampaḵaḻam aḵ Kristu ya siya umuna umuli'tta natoy ta iwaḻagawagna inon Apudyus we Anagu atta Judyu ya da Gentil.”

Romans 3:25

Indatun Apudyus aḵ Jesu Kristu aḵ matoy ta pumoy-as daḻana'ḵ mapakawanan da basuḻ da amati. Ḵingwana ḵaḵna'ḵ angipail-ana si ummun-unana te sa awe si daan Jesus umaliyan, inan-anusana da tagu we adinapun daguse dinusa dida'tta basuḻda.

Romans 8:37

Yaḵon taḵon ay nu maḵwa losan da sadi ḵan ditaḵu, aangngog taḵu mipagapu ḵan Jesu Kristu we nangay-ayat ḵan ditaḵu.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Ephesians 2:4

Yaḵon ummamdan ḵadagu ḵan ayat Apudyus ḵan ditaḵu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Colossians 1:18

Siya isun di uḻu taḵu we namati, ḵad ditaḵu isun di long-agna. Ḵad siya bos maḻpuwan ni mataguwan taḵu te siya panguḻu we Abeng Apudyus we ummuli ta ambalin aḵ ḵangatuwan atta losan.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

1 Timothy 6:15

Ḵad nu dumatong ustu we timpu, siya ipaigammun Apudyus we madaydayaw ya abus aḵ ampangat atta losan, siya Arin da losane Ari ya Apun da losane Apu.

Hebrews 10:29

Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

1 Peter 1:19

yaḵon sa ampatoge daḻan Kristu si natoyana para ḵan ditaḵu. Sa nangidatunana si mismu we long-agna isun di ubbu we karnero we ippun paat ḵaissawna ya ippun dipiktunae nidatun ḵan Apudyus.

1 John 1:7

Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

1 John 4:10

Ḵad sana gattoḵe ayat: Daḵampun atte ayat taḵu ḵan Apudyus yaḵon sa ayatnae impailana ḵan ditaḵu si nangibuunana si Abengna ta siya angidatun atte long-agna ta maḵaan sangan Apudyus ya mapakawan da basuḻ taḵu.

Revelation 11:15

Nagangput ḵad nanangguyub ḵumapitu we anghel, inninggaw da andangsoḻe ginga'd langite ḵananda, “Inggana sinsadi, naippun udum aḵ maḵwae angipangat atte lubung malaksid aḵ Apu taḵu we Apudyus ya sa Kristu we imbuunna ya ippun anungus ni ampangatana.”

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.

Revelation 19:16

Sa langgoyodna ya sa uḻpuna, nigili annae ngadane ḵanana, “Ḵangatuwane Ari atta losane Ari ya Ḵangatuwane Apu atta losane Apu.”

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.