Revelation 1:1 - Sa Ugud Apudyus

¹ Saḵon aḵ John we nangigili si annae iblu atta banage impaigammun Jesu Kristu we ḵasapuḻane madam-an maḵwa. Aḵ Apudyus nangipaigammu ḵan siya ta ipaigammuna bos atta tagu we anserbi ḵan siya. Pun imbuun Kristu anghelna aḵ angipaigammu ḵan saḵone sammiluna.

Revelation 1:1 Iomraidhean Croise

John 12:49

Te daḵampun aḵ nan-ugudaḵ aḵ naḻpu si ḵaḻabbongaḵ yaḵon aḵ Amaḵ we nangibuun ḵan saḵon, imbilinna nu ngai da ibagaḵ ḵan ugudoḵ.

John 15:15

Adiḵpun ogon diḵayu ngadanon aḵ sammilu te sa sammilu naippun igammuna'tte ḵoon ni apuna. Yaḵon ngadanoḵ diḵayu buḻbuḻunḵu te da losane dingngoḻḵu ḵan Amaḵ impaigammuḵ ḵan diḵayu.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 3:32

Ibagana da innilana ḵan dingngoḻna yaḵon aḵit da amati'tta ibagana ḵan dida.

John 8:26

Adu ibagaḵ ḵan ipabasuḻḵu mipanggob ḵan diḵayu yaḵon sa nangibuun ḵan saḵon tuttuwa ya da dingngoḻḵu ḵan siya, dida da ibagabagaḵ atta tagu si annae lubung.”

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

Galatians 1:12

Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.

Ephesians 3:3

Te impaigammun Apudyus ḵan saḵon planunae adipun nipaigammu si awe ḵad siya annae inggiliḵ si suḻatḵu.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

Revelation 1:19

Pun igilim da losane ipailaḵ ḵan siḵae maḵwa sinsadi ya da maḵwa'tte umali ye aḻgaw.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Revelation 17:1

Naabus ḵad, ummadani ḵan saḵon osa'tta pitu we anghel we aangdon atta pitu we maḻuḵung woḵ ḵanana ḵan saḵon, “Umaliḵa ta ipailaḵ dusan ni nandindinamage putae tummuḵdu si igaw ni adu we tawwang.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”

Revelation 19:9

Pun ḵanan ni anghel ḵan saḵon, “Igilim anna: Pian da tagu we naayagan aḵ midoga maḵaḵan atte kasar ni Ubbu we Karnero.” Pun pinagatupana woḵ ḵanana, “Sana tuttuwae Ugud Apudyus.”

Revelation 21:2

Innilaḵ os baru we Jerusalem we sa siyudad Apudyus. Sa baru we Jerusalem we maḻpu ḵan Apudyus ad langit. Sa sanae siyudad, naganggangpute nisaganae isuna bubai ye nansilup atte maḵaawise silupe umoy miyabot atte angasawa ḵan siya.

Revelation 21:9

Pun ummali osa'tta sadi ye pitu we anghel we awad ḵan siya da pitu we maḻuḵunge napnu'tta pitu we anungus da ampaḵapaḵaḻaman. Ḵanana ḵan saḵon, “Umaliḵa ta ipailaḵ ḵan siḵa bubai ye asaw-on ni Ubbu we Karnero.”

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”

Revelation 22:6

Pun ḵanan ni anghel ḵan saḵon, “Tuttuwa ya mataḻgodan da losane inugudḵu ḵan diḵayu. Te aḵ Apu we Apudyus angidaḻan atte somsomoḵ da profetana. Siya bos nangibuun atte anghelna ta mipaigammu ḵan diḵayu we anserbi ḵan siya da ḵasapuḻane madam-an maḵwa.”

Revelation 22:8

Saḵon aḵ John we nangngoḻ ya nangitollong atta annae nigili. Sa nangngoḻaḵ ḵan nangitollongaḵ, nanalluḵuwaḵ atte sinagung ni anghel we sa nangipaila ḵan saḵon ta andayawaḵ oḵyan ḵan siya.

Revelation 22:9

Yaḵon ḵanana ḵan saḵon, “Adipun ḵasapuḻane ḵoom ḵaḵnat! Aḵ Apudyus abus aḵ dayawom! Te anserbiyaḵ os ḵan Apudyus we isuna bos ḵan siḵa ya da susunudnu ḵan Kristu we da profetan Apudyus ya da losane tumuttuwa'tta nigili'tte annae iblu.”

Revelation 4:1

Naabus ḵad, intapḵu we nabuḵtan sawang ad langit. Dingngoḻḵu bos isun ni dingngoḻḵu we isunan gingan di tangguyube ḵanana ḵan saḵon, “Umaliḵa sina'd langit ta ipailaḵ ḵan siḵa da ḵasapuḻane maḵwa si umali ye aḻgaw.”

Revelation 5:7

Ummoy Ubbu we Karnero atte trono woḵ innaḻana naḻuḵube ḵopel si madawinane iman ni tutuḵdu'tte trono.