Philippians 4:8 - Sa Ugud Apudyus

⁸ Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

Philippians 4:8 Iomraidhean Croise

Matthew 22:16

Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Mark 6:20

te maḵimut aḵ Herod ḵan John woḵ sinaḻaḵnibana. Te inigammunae naun-unan ḵan nanserbi ḵan Apudyus ḵad pionae dongngon da ibagan John taḵon ay nasaliduduwan atta dingngoḻna.

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Luke 2:25

Inninggaw maḻmaḻong-ag ad Jerusalem we nangngadan aḵ Simeon. Naun-unane tagu te tinuttuwana Lintog Apudyus ya naapudyusan. Ḵad iinggaw Ispiritu Santu ḵan siya. Nabayage uuwayona dumaḵngan ni Anagu atta ganaḵ Israel.

Luke 23:50

Inninggaw laḻaḵi ye nangngadan aḵ Joseph we iyArimathea we osae ili si probinsiya'd Judea. Siya ḵad, ambaḻu ya naun-unan, pasigna uuwayon dumaḵngan ni ampangatan Apudyus. Osa'tta ḵuḵunsisaḻ yaḵon adipun ummapyu si nan-uunudan da buḻunna ya sa ḵingwada ḵan Jesus.

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

Acts 10:22

Ḵananda, “Aḵ Kapitan Cornelius nangibuun ḵan diḵani'ḵ angayag ḵan siḵa te imbagan ni anghel Apudyus we ayagana siḵa ta dongngona da ibagam. Siya ḵad naun-unan ya isipogna'ḵ Apudyus ya mapatgan atta losane Judyu.”

Acts 22:12

“Inninggaw sidi nangngadan aḵ Ananias we naapudyusane tuttuwaona lintog taḵu ya ambaḻu ḵaugudana'tta losane Judyu we ummili.

Acts 6:3

Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan

Romans 13:13

Sa antatagu we ḵasapuḻane unudon taḵu, sa ampoḻḵas ḵan ambaḻu we mibagay atte tagu we awad si padda. Adi taḵu mabartek, adi taḵu maḵadagdagas ya adi taḵu ḵoon da udume ḵaḵaissawan ya ḵababbain ya adi taḵu ansusubog ḵan an-asiapos.

Romans 13:3

Ippun maḵimtan da angwa'ḵ ambaḻu'tta pangat yaḵon abus da angwa'ḵ lawweng aḵ maḵimut ḵan dida. Pun nu pionyu we adi maḵimut atta pangat, siya ḵoonyu ustu we sa angidayawanda ḵan diḵayu.

Romans 14:18

Ḵad nu ḵaḵnat inon taḵu we anserbi ḵan Kristu, mas-om aḵ Apudyus ya mapatgan taḵu bos atta asintatagu taḵu.

Romans 2:29

Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 13:7

Yaḵon sinsadi, iluwaḻuni ḵan Apudyus ta naippun oḵyan ḵoonyu'ḵ lawweng. Ḵatti oḵyan maḵwae daḵampun aḵ mipailae madayawanni yaḵon pionni ye ḵoonyu ambaḻu taḵon ay nu ḵanan da udume naippun nambanagan ni ḵewaaḻni ḵan diḵayu.

2 Corinthians 6:8

Sa anserbiyanni ḵan Apudyus, awad da angidayaw ḵan awad os da angibabbain ḵan diḵani. Ḵad awad os da anginsultu ya awad os da ambaḻuwon diḵani. Ḵanan os da udume matuli ḵani yaḵon tuttuwa da ugudonni.

2 Corinthians 8:18

Ḵad ibuḻunni ḵan Titus osae sunud taḵu ḵan Kristu we madaydayaw atta losane gimung da namati gapu'tte ambaḻu inonae angiwaḻagawag si Ambaḻu we Damag.

2 Corinthians 8:21

Te siya pionni ḵoon ustu we daḵampun aḵ abus antotollong Apu yaḵon sa antotollong os da tagu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Ephesians 4:25

Pun adi ḵayu ogon antultulli, abus ḵatuttuwaan aḵ ibagayu'tta buḻunyu te nidoga taḵu losan atte long-ag Kristu.

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Ephesians 6:14

Pasig ḵayu maḵasagana ta itaḵdogyu sagangon ḵan sullagiyon da ḵabusuḻ atte amatiyanyu'tte ḵatuttuwaane maḻpu ḵan Apudyus. Sa ḵatuttuwaane maḻpu ḵan Apudyus isun di taḵyade iḵabot da suḻdadu si ansaganaandae umoy maḵagubat. Unudonyu bos maun-unane antatagu we maḻpu ḵan Apudyus. Sanat isun di taḵupaḻe anaḻaḵnib atta baḻuḵung da suḻdadu.

Philippians 3:1

Annaya osan ibagaḵ ḵan diḵayu susunudḵu ḵan Kristu, allaylayad ḵayu oḵyan gapu si niyossaananyu ḵan Apu. Adiyaḵpun mappoge angisassaud atte ibagaḵ ḵan diḵayu ta mabantayan pammatiyu.

Colossians 4:5

Ummanyu'tta gunayyu'tta daampun amati, ḵad usaronyu losane timpu we angibaga ḵan dida si mipanggob ḵan Kristu.

1 Thessalonians 4:12

Nu ḵatti antataguyu, patgan diḵayu'tta adipun amati ḵan Apudyus ya adipun ḵasapuḻan ansallay ḵayu'tta udum si mipanggob atta masapuḻyu.

1 Timothy 2:2

Iluwaḻuwan taḵu bos da ari ya da losane nangatu da saadda ta allin-awa biyag taḵu si anserbiyan taḵu ḵan Apudyus ya sa angunudan taḵu si ustu we ugali.

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

1 Timothy 3:4

Ḵasapuḻane ustu andadaḻanna'tte baḻyanna ḵan tuttuwaon ḵan patgan da abengna.

1 Timothy 4:12

Adim iyunude potogonda siḵa gapu'tte ḵinaabengnu. Yaḵon iggam ḵabooḻame ambalin aḵ unudon da namati'tte an-uugudnu, sa ambaḻu we antatagum, sa an-aayatnu, sa angogomgomam atte pammatim ya sa ḵinapoḻḵasnu.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

1 Timothy 5:2

Da anḵamad-an ḵad, ibelangnu bos didae isun di iniinnam ya da babaḻasang, ibelangnu dida'ḵ isun di sinusunnudnu we ampoḻḵas somsomoḵnu.

Titus 1:8

Yaḵon ḵasapuḻane ḵamamangili ya siya pasige piona ḵoon da ambaḻu. Lamogna tupodon long-agna, naun-unan, ampoḻḵas somsomoḵna ya adipun bumasuḻ ya nadisiplina.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Titus 2:2

Da anḵamaḻong-ag ḵad, ummam dida bagbagaan ta noandae uminum si bayas ya da udume ḵoḵoḵḵonda ta mibagaye mapatganda gapu'tta ambaḻu we ugalida ya tupodonda da long-agda. Bagbagaam os dida ta ipapatida pammatida, sipupusu oḵyan ayatda ya naattomda.

Titus 2:7

Siḵa ḵad os, pasig oḵyane ambaḻu ugalim ta sa ḵinabaḻum, siya unudon da buḻunnu. Ilam ta sa antuttuduwam, maḻpu si naimpusuwane ḵasomsomḵam. Ḵad sa inome angibaga, mibagay os atta ampatoge ituttudum.

Titus 3:14

Ilam os ta paingsaonda da doga taḵu'tte pammati ye angwa'tta ambaḻu ta badanganda da tuttuwae anḵasapuḻ ta ambaḻu ambanagan da biyagda.

Hebrews 11:2

Gapu si pammatin da danaḵḵoḻ taḵu si awe, inawatdae inon-onan Apudyus dida.

Hebrews 13:18

Iluwaḻuwanyu diḵani te aaddi ye ampoḻḵas da somsomoḵni gapu ta pionni ye ḵoon ustu'tta losane tagu.

James 1:27

Te sa gattoḵ ḵan ippun ḵadellawanae angapudyus si antotollong Apudyus we Ama, bumadang atta ulila ḵan da baḻu atta ampaḵaḻamanda. Ḵad ḵasapuḻane adipun maalisan atta ugalin da tagu we adipun namati.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 4:8

Sa ḵapatogane ḵoonyu, papigsaonyu an-asiayatanyu te nu an-asiayat ḵayu, adiyupun sosomḵon da amode basuḻ da buḻunyu yaḵon an-asianus ḵayu ya an-asipakawan ḵayu.

2 Peter 3:1

Ay-ayatoḵe buḻbuḻun, annaya ḵumagwae suḻatḵu ḵan diḵayu. Ḵad da annae suḻatḵu, awad de impaspasmoḵḵu ḵan diḵayu ta usaronyu da ampoḻḵas ya tuttuwae ḵasomsomḵanyu.

1 John 3:18

Diḵayu we abengḵu, sa inon taḵu we angayat atta asintatagu taḵu, daḵampun oḵyan aḵ abuse ugud yaḵon maḻpu oḵyan atta pusu taḵu ḵad mipaila oḵyan atta gunay taḵu.

1 John 3:3

Sa tagu we annamnama'tta sanae banag gapu ḵan Kristu, papoḻḵasonae mismu long-agnae isuna'ḵ Jesus.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.