Philippians 4:6 - Sa Ugud Apudyus

⁶ Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

Philippians 4:6 Iomraidhean Croise

Matthew 10:19

Ḵad nu sumaḻyaonda diḵayu, adi ḵayu ambinsaw mipanggob si inonyu we anaḵdoḻ si mipanggob ḵan saḵon ya sa isongbatyu te sa sadi ye timpu mipaigammu da ustu we ugudonyu.

Matthew 13:22

Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

Matthew 6:34

Pun adi ḵayu bos ambinsaw atta ampaḵaḻamane dumatong appigat. Te sa umali ye aḻgaw, awad de ḵuwanae binimbinsaw. Sa binimbinsaw atte osae aḻgaw lamog ni sanate aḻgaw, pun adi taḵu amo dog-an.”

Matthew 6:8

Adi ḵayu miḵama ḵan dida te iniiggammun Apudyus ḵasapuḻanyu si daanyu ḵodawon.

Luke 10:41

Ḵanan Apu, “Martha, Martha, adu bos ay da ambinsawam.

Luke 12:22

Ḵanan Jesus atta disipuluna, “Pun annaya ibagaḵ ḵan diḵayu, adi ḵayu ambinsaw mipanggob si biyagyu, da ḵanonyu, baḵon nu mipanggob atta long-agyu ya da iḵabotyu.

Luke 12:29

Ḵad adiyu oḵyan ḵuttuḵuttumon ḵatti nu lamogyu ḵanonyu ḵan inumonyu baḵon nu adi ḵayu ambinsaw.

Luke 18:1

Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.

Luke 18:7

Adimpun ḵamman Apudyus itton ḵalintogan da pinilinae tagu we anḵodaw aḵ ḵadagu ḵan siya si inaḻgaw ya nilabi? Itaḻyanna ḵamman badangna?

1 Corinthians 7:21

Nu musassuḵa'tte namiliyana ḵan siḵa'ḵ amati, ippun ḵanana nu pagatupame ammusassu. Yaḵon nu awad gundawaynu'ḵ mapuḵayan si nammusassuwam, ḵoom sanat.

1 Corinthians 7:32

Sa pioḵ, ippun oḵyan ambinsawanyu. Sa laḻaḵi ye ippun asawana, ipapatina oḵyane angwa'tta banage paḵwan Apu ḵan siya ḵad siya sosomḵona inonae angwa'tta mas-oman Apudyus.

2 Corinthians 1:11

Bumadang ḵayu bose angiluwaḻu ḵan diḵani. Te nu adu da angiluwaḻu ḵan diḵani, adu bos da anggappiya ḵan Apudyus gapu'tte bindisyune innatodna ḵan diḵani mipagapu'tta adu we luwaḻu.

Ephesians 5:20

Ḵad pasig ḵayu anggappiya ḵan Apudyus we Ama atta losane banag atte ngadan Apu taḵu we Jesu Kristu.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Colossians 3:15

Pasig oḵyan lin-awa ya sa timpuyuge innatod Kristu angituray atta somsomoḵyu te sana gapun ni namiliyan Apudyus ḵan diḵayu ta an-os-ossaan ḵayu we long-ag Kristu. Ḵad pasig ḵayu anggappiya ḵan Apudyus.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

Colossians 4:2

Ipapatiyu we alluwaḻu ḵad ummanyu sosomḵon da panggobyu we iluwaḻu ya anggappiya ḵayu bos ḵan Apudyus.

1 Timothy 2:1

Pun annaya ibagaḵ ḵan siḵa. Umuna, ḵasapuḻane iluwaḻuwan taḵu da losane tagu ya anḵodaw taḵu ya anggappiya taḵu ḵan Apudyus para ḵan dida.

1 Timothy 5:5

Sa baḻu we ippun paat osa'ḵ angayyuwan ḵan siya, namnamaonae aḵ Apudyus bumadang ḵan siya. Ḵad pagapagatupanae alluwaḻu ya anḵodaw aḵ badang atte inaḻgaw ḵan nilabi.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

1 Peter 5:7

Itaḻgodyu ḵan Apudyus da losane binimbinsawyu te siya angayyuwan ḵan diḵayu.