Philippians 4:5 - Sa Ugud Apudyus

⁵ Ipailayu ḵinaanusyu'tta losane tagu te madam-an umaliyan Apu.

Philippians 4:5 Iomraidhean Croise

Matthew 6:25

Pinagatupan Jesus woḵ ḵanana, “Pun sa ibagaḵ ḵan diḵayu, adi ḵayu ambinsaw mipanggob atta biyagyu, da ḵanonyu, baḵon nu da inumonyu, baḵon nu sa mipanggob atta long-agyu ya da ansilupyu. Te napatpatog biyagyu nu sa maḵan ya napatpatog da long-agyu nu da silup.

Matthew 6:34

Pun adi ḵayu bos ambinsaw atta ampaḵaḻamane dumatong appigat. Te sa umali ye aḻgaw, awad de ḵuwanae binimbinsaw. Sa binimbinsaw atte osae aḻgaw lamog ni sanate aḻgaw, pun adi taḵu amo dog-an.”

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

1 Corinthians 16:22

Nu ngaimane adipun angayat ḵan Apu taḵu, aaddi ye madusa ḵan Apudyus. Umaliḵa, Apu.

1 Corinthians 6:7

Nu andidinnaḻum ḵayu, naabuse illog ni lawweng diḵayu. Te nu ḵatti unnoyna pos ay ampaḵaḻamon diḵayu ya kulukon diḵayu nu sa an-asidaḻum ḵayu.

1 Corinthians 8:13

Pun nu siya maḵabasuḻan ni sunudḵu ḵan Kristu anganaḵ atte sidae nidatun atta sinan-apudyus, agayḵu we angan atta sadi ye maḵan ta ippun maḵabasuḻan ni sunudḵu gapu ḵan saḵon.

1 Corinthians 9:25

Da ngaimane maḵaaḵ-abaḵ, ḵasapuḻane disiplinaonda da long-agda ta maaḻada gungunae allasu we madadail. Yaḵon ditaḵu we namati, sa gungunae annanayun maaḻa taḵu.

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Thessalonians 2:2

adi oḵyan daguse maḵogway da somsomoḵyu'tta ang-angwa'ḵ ug-uggud ya ibagadae impadtuni baḵon nu insuḻatni ye naabuse dummatong aḻgawe angulinan Apu.

Titus 3:2

Adida oḵyan an-ugud aḵ lawweng atte mipanggob atta ngaiman ḵad adida oḵyan sumubog yaḵon naanusda oḵyan ya pasigda patgan da losane tagu.

Hebrews 10:25

Adi taḵu oḵyan iwaḻange magimugimung atta buḻun taḵu we namati ye isun ni ḵoḵoḵḵon da udum yaḵon sa ḵoon taḵu amo an-asisoḻgag taḵu, dallu gay sinsadi ye madam-an mipauliyan Apu Jesus.

Hebrews 10:37

Te ḵanan ni Ugud Apudyus, “Sin-aḵitane abus ya sa awade umali, dumatonge adipun mitantan.

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

Revelation 22:20

Sa anaḵdoḻe tuttuwa losan da anna ḵanana, “Tuttuwae madam-an umaliyaḵ.” Amen! Awwaynu, Apu Jesus.

Revelation 22:7

Pune sadi ḵanan Jesus, “Dongngonyu anna. Madam-an angulinaḵ. Pian tagu we tuttuwaona da ngaimane nipadtu si annae iblu.”