Philippians 4:4 - Sa Ugud Apudyus

⁴ Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan.

Philippians 4:4 Iomraidhean Croise

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Acts 16:25

Anna ḵade gumawallabi, nalluluwaḻu ḵan nanḵanḵanta da Paul ḵan Silas we andaydayaw ḵan Apudyus. Pun nandodongngoḻ da buḻundae baḻud ḵan dida.

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

Galatians 1:8

Yaḵon taḵon ay nu diḵani ye mismu baḵon nu sa anghel we maḻpu'd langit angiwaḻagawag si Ambaḻu we Damag we misullagi'tte iwwaḻagawagni si awe, madusa'ḵ inggana.

Philippians 2:18

Ḵad isunae allaylayad ḵayu ya maḵalaylayad ḵayu oḵyan os ḵan saḵon.

Philippians 3:1

Annaya osan ibagaḵ ḵan diḵayu susunudḵu ḵan Kristu, allaylayad ḵayu oḵyan gapu si niyossaananyu ḵan Apu. Adiyaḵpun mappoge angisassaud atte ibagaḵ ḵan diḵayu ta mabantayan pammatiyu.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.