Philippians 4:12 - Sa Ugud Apudyus

¹² Pinadasḵu we naaḵitan ḵan nansawasawaḻ. Ngaimane maḵwa ḵan saḵon, mauḻataḵ baḵon nu massugaḵ taḵon ay aḵit baḵon nu nasawasawaḻ da ḵasapuḻaḵ, igammuḵ inoḵe mat-op.

Philippians 4:12 Iomraidhean Croise

Matthew 11:29

Unudonyu da bilinḵu ḵan an-adaḻ ḵayu ḵan saḵon te naanusaḵ ḵan napakumbabaaḵ woḵ maillongan ḵayu.

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

2 Corinthians 10:10

Awad nin da udum ḵan diḵayu we ḵanandae antuḻodaḵe anuḻat atta pioḵ ibaga ḵan diḵayu yaḵon nu annaaḵ si sinagungyu anḵuyaaḵ ya ippun os anun da ibagaḵ.

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

2 Corinthians 11:7

Sa nangiwaḻagawagaḵ ḵan diḵayu si Ambaḻu we Damag we naḻpu ḵan Apudyus, naippun ḵindawḵu'ḵ tangdan te impababaḵ long-agḵu ta midayaw ḵayu. Naḵabasuḻaḵ ḵamman si sadi ye ḵingwaḵ?

2 Corinthians 11:9

Sa inninggawaḵ ḵan diḵayu, adiyaḵpun nanḵodaw ḵan diḵayu si awad de ḵasapuḻaḵ te da susunud ḵan Kristu we naḻpu'd Macedonia da nangitod atta masapuḻḵu. Ḵad ḵatti bos ḵooḵ si umali ye aḻgawe adiḵpun paat ampaḵaḻamon diḵayu'tta masapuḻḵu.