Philippians 3:5 - Sa Ugud Apudyus

⁵ Te ḵan saḵon, nasogyatanaḵ si ḵawaḻun aḻgawḵu, nibuḵnagaḵe ganaḵ Israel, osa'tta ganaḵ Benjamin we osa'tta laḻaḵi ye abeng Israel. Saḵon os gattoḵe Hebrew. Ḵad nu mipanggob os atte lintoge innatod Apudyus ḵan Moses, impapangogḵu tinuttuwa te osaaḵe Pharisee.

Philippians 3:5 Iomraidhean Croise

Luke 1:59

Ḵawaḻun aḻgawna ḵad, nandatdatongda bos ta sogyatanda ta anuttuwaanda si lintog. Pionda oḵyan ingadan ḵan siya Zechariah we ngadan amana.

Luke 2:21

Ḵawaḻun aḻgawna ḵad, ummoyda impasogyat utting ta tuttuwaonda lintog. Pun nginadananda'ḵ Jesus te siya imbagan ni anghel si daan Mary mabugiyan.

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

Acts 22:3

“Saḵon ḵad, Judyuwaḵ we niyanaḵ ad Tarsus we osae siyudad atte Cilicia yaḵon dummaḵoḻaḵ sina'd Jerusalem. Aḵ Gamaliel mistuluḵ, ummana intuttudu ḵan saḵon da losane lintog da danaḵḵoḻ taḵu. Impapatiḵ ose nanserbi ḵan Apudyus we isuyu sinsadi.

Acts 23:6

Inigammun ḵad Paul we nanḵagwa da papangate Sadducee da udum ya da udum Phariseeda, indangsoḻna gingana'tta ḵuḵunsisaḻ woḵ ḵanana, “Susunudḵu we ganaḵ Israel, Phariseeyaḵ. Pharisee bos da danaḵḵoḻḵu. Pun namnamaoḵe umuli da natoy ḵad sana gapunae sumaḻyaonyu saḵon.”

Acts 6:1

Sa sadi ye timpu, ummaduadu da belang da namati ḵan Jesus. Inggaw nansosongbatan da Judyu we Greek ugudda'tta gagangaye Judyu we Hinebrew ugudda. Sa nansosongbatanda imbagan da de Greek we niwaḻang da baḻu we buḻunda si inaḻgawe awwaḻasanda si maḵan.

Romans 11:1

Pun awad de imusoḵ, indiyan ḵad ain Apudyus da Judyu we taguna? Naid! Te saḵone mismu, osaaḵe ganaḵ Israel we naḻpu si abengnae Benjamin we ganaḵ os Abraham.

2 Corinthians 11:22

Pun nu ḵanandae Hebrewda, Hebrewaḵ os. Ḵad nu ḵanandae dida ganaḵ Israel, siya bos ḵan saḵon. Ḵad nu ḵananda bose dida ganaḵ Abraham, ganaḵaḵ os ḵan Abraham.