Philippians 3:1 - Sa Ugud Apudyus

¹ Annaya osan ibagaḵ ḵan diḵayu susunudḵu ḵan Kristu, allaylayad ḵayu oḵyan gapu si niyossaananyu ḵan Apu. Adiyaḵpun mappoge angisassaud atte ibagaḵ ḵan diḵayu ta mabantayan pammatiyu.

Philippians 3:1 Iomraidhean Croise

Matthew 5:12

Amo allaylayad ḵayu te daḵodaḵoḻ gungunayu'd langit. Te da sadi ye ḵoonda iissuna da ḵingwan da tagu we namaḵapaḵaḻam atta profeta si awe.”

Luke 1:47

Amoamod layadḵu, ḵan Apudyus we Anagu ḵan saḵon.

Romans 5:11

Daḵampun aḵ abus sadi yaḵon allaylayad taḵu bos si naḵabuḻbuḻunan taḵu ḵan Apudyus mipagapu ḵan Apu taḵu we Jesu Kristu. Gapu ḵan siya, nipaḻ-og maḵabuḻbuḻunan Apudyus ḵan ditaḵu.

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

Ephesians 6:10

Annaya anungus ni ibagaḵ ḵan diḵayu. Pumigsa oḵyan da pammatiyu mipagapu si niyossaananyu ḵan Apu ya sa ummamdane ḵabooḻana.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

Philippians 4:4

Ḵasapuḻane pasig ḵayu oḵyan allaylayad gapu si niyossaananyu ḵan Apu. Ipigwaḵ ibagae allaylayad ḵayu oḵyan.

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.

1 Thessalonians 5:16

Pasig ḵayu oḵyan allaylayad,

James 1:2

Susunudḵu ḵan Kristu, ibelangyu we allaylayad ḵayu nu mapadasyu da nansabasabali ye padas atte biyagyu,

1 Peter 3:8

Annaya mungimung ni ibagabagaḵ. Ḵasapuḻane an-os-ossaan ḵayu losan atte somsomoḵ ḵan maḵagiḵna ḵayu'tta buḻunyu. An-asiayat ḵayu we isun di mismu we ansusunud, an-asiḵadagu ḵayu ya ipakumbabayu da long-agyu.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

2 Peter 3:1

Ay-ayatoḵe buḻbuḻun, annaya ḵumagwae suḻatḵu ḵan diḵayu. Ḵad da annae suḻatḵu, awad de impaspasmoḵḵu ḵan diḵayu ta usaronyu da ampoḻḵas ya tuttuwae ḵasomsomḵanyu.