Philippians 2:6 - Sa Ugud Apudyus

⁶ Te awad ḵan siya gattoḵe ḵinaapudyus Apudyus, adinapun imbelange mipangtad long-agna ḵan Apudyus aḵ mausar para'tte bumaḻuwana

Philippians 2:6 Iomraidhean Croise

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 10:30

Saḵon ya aḵ Amaḵ, ossaan ḵani.”

John 10:33

Ḵanan da Judyu we summongbat, “Daḵampun atta ambaḻu we ḵingwam amatuwanni ḵan siḵa nu adi sa nangiyisuwam si long-agnu ḵan Apudyus te taguḵae abus ya nambalinom long-agnu'ḵ Apudyus.”

John 10:38

Yaḵon nu ḵooḵ dida, taḵon ay nu adiyu saḵon patiyon, patiyonyu oḵyan da ḵooḵ ta igammuwonyu ya maawatanyu we sa Ama awad ḵan saḵon ya awadaḵ os ḵan siya.”

John 14:28

Dingngoḻyu imbagaḵe iyyaḵon ya mipauliyaḵ ḵan diḵayu. Ḵad nu ayatonyu saḵon, allaylayad ḵayu oḵyan te iyyaḵ ḵan Amaḵ we nangatngatu nu saḵon.

John 14:9

Ḵanan Jesus, “Nabayage inninggawaḵ ḵan diḵayu ḵad daannupun os ay igammuwon saḵon, Philip? Ngaimane nangila ḵan saḵon, innilada bos aḵ Amaḵ. Ḵad ngaipam ḵanane ipailam ud ḵan diḵani'ḵ Amam?

John 17:5

Sinsadi Ama, mipauliyaḵ ḵan siḵa ya ipailam ḵinaapudyusḵu we isun ni nangipail-am si awe atte inninggawaḵ ḵan siḵa si daan ni lubung maḵwaan.

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

John 5:18

Gapu'tte sadi ye imbagan Jesus, amo pion da papangat da Judyu we gongaton. Te daḵampun ay aḵ abus nilisalisna lintog atte umillongan yaḵon imbagana bose aḵ Apudyus Amana ḵad iyisuna long-agna ḵan Apudyus.

John 5:23

ta dayawon da losan saḵone isun ni andadayawda ḵan Amaḵ. Da adipun andayaw ḵan saḵon, adidapun os dayawon aḵ Amaḵ we nangibuun ḵan saḵon.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

1 Timothy 1:17

Pun siya Ari aḵ inggainggana, adipun matoy, adipun maila, abus aḵ Apudyus. Siya ipatpatog taḵu ḵan daydayawon taḵu'ḵ inggainggana. Amen.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 1:6

Anna ḵade madam-an angibuunan Apudyus si annae lubung atte Abengna we anna saadna'tta losane isun di panguḻu, ḵanana, “Ḵasapuḻane losan atta anghel Apudyus analluḵudae andayaw ḵan siya.”

Hebrews 1:8

Yaḵon ḵanana si mipanggob si Abengna, “Siḵa Apudyus, ampangatḵa'ḵ inggana! Ḵad naun-unan inome ampangat.

Hebrews 13:8

Aḵ Jesu Kristu adipun ambalbaliw, yaḵon sumisissiya si awe, sinsadi ya aḵ inggana.

Revelation 21:6

Pun ḵanana, “Losan atta anna, nituttuwada. Saḵon nangadanan aḵ Alpha ḵan Omega, piona ḵanan, saḵon laplapu ya anungus ni losan. Ittoḵ atta mauwawe tagu danume naḻpu si bubune angitod si biyag aḵ ingganae ippun bayadna.