Philippians 2:5 - Sa Ugud Apudyus

⁵ Ḵasapuḻane patilayunonyu unudon ansosomsomoḵ ḵan nantatagun Jesu Kristu.

Philippians 2:5 Iomraidhean Croise

Matthew 11:29

Unudonyu da bilinḵu ḵan an-adaḻ ḵayu ḵan saḵon te naanusaḵ ḵan napakumbabaaḵ woḵ maillongan ḵayu.

Luke 22:27

Ngai ḵad ain nangatngatu, sa tumuḵdu we angan si lamisaan baḵon nu sa sammilu? Sa igammuyu, sa tumuḵdu we angan si lamisaan nangatngatu saadna. Yaḵon annaaḵ sinae anserbi ḵan diḵayu we isun di sammilu.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 20:35

Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Romans 14:15

Nu sa anganan taḵu gapun ni lumawengan ni somsomoḵ ni sunud taḵu ḵan Kristu, daḵampun aḵ ayat impaila taḵu ḵan siya. Sa anganan taḵu adi taḵu iyunude dadailona pammatin ni sunud taḵu te siya inḵatoy Kristu.

Romans 15:3

Te taḵon ay aḵ Jesu Kristu adinapun mas-oman long-agna yaḵon sa ḵanan ni nigili ye Ugud Apudyus, “Da amsew da tagu ḵan siḵa Apudyus, saḵon inamsewda.”

Romans 15:5

Sa iluwaḻuḵ ḵan Apudyus we anoḻgag atta somsomoḵ taḵu, antitimpuyugona oḵyan ditaḵu ta unudon taḵu ugalin Jesu Kristu,

1 Corinthians 10:33

Unudonyu saḵone pasigḵu ibagabagay biyagḵu'tta losane tagu. Te sa singsingtoḵ, daḵampun aḵ bumaḻuwaḵ yaḵon sa bumaḻuwan da adu ta mataguda.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

1 Peter 2:21

Te pinilin Apudyus diḵayu ta siya unudonyu ḵaḵnate antatagu. Te nampaḵaḻam os aḵ Kristu para ḵan diḵayu ḵad impailana antatagu we unudonyu oḵyan.

1 Peter 4:1

Gapu ta nampaḵaḻam ya natoy aḵ Kristu sina'd luta, isaganayu bos somsomoḵyu we ampaḵaḻame isuna. Te ngaimane ampaḵaḻam long-agna, nagangpute ingginoḵnae maḵabasuḻ.