Philippians 2:12 - Sa Ugud Apudyus

¹² Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus.

Philippians 2:12 Iomraidhean Croise

Matthew 11:12

Inggan ni nangisaḻdan John we Ambobonyag we nangiwaḻagawag inggana sinsadi, awad da angipatut angiwaḻagawag atte ampangatan Apudyus ya awad os da angipatut midoga'tte ampangatana.

Matthew 11:29

Unudonyu da bilinḵu ḵan an-adaḻ ḵayu ḵan saḵon te naanusaḵ ḵan napakumbabaaḵ woḵ maillongan ḵayu.

Acts 16:29

Pun nampaidatong guwaḻda'ḵ silaw. Indatongda ḵad ay, daguse nillumnoḵ si igaw da Paul ḵan Silas woḵ nanalluḵu we amilpilpil si ḵimutna'tte sinagungda.

Acts 9:6

Yaḵon allibbatḵa ta inḵa si siyudad ḵad awad de angibaga ḵan siḵa si ḵasapuḻane ḵoom.”

Romans 2:7

Da tagu we angipapati angwa'tta ambaḻu ta madayawanda, mapatganda ya mataguda'd langit aḵ inggainggana ya dida angittan Apudyus si biyag aḵ inggana.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

1 Corinthians 2:3

Sa inninggawaḵ ḵan diḵayu, anḵuya long-agḵu ya amilpilpilaḵ atte ḵimutḵu.

1 Corinthians 4:14

Daḵampun aḵ siya anuḻataḵ pabainaḵ diḵayu yaḵon bagbagaaḵ diḵayu we isun di inaabbengḵu we ay-ayatoḵ.

2 Corinthians 7:15

Pun sa ayat Titus ḵan diḵayu, amo dummallu te sa sosomḵona losanyu tinuttuwa da imbagana ya sa ḵingwayu we nisagawe nammangili ḵan siya ya ambimbinsaw ḵayu nu ḵingwayu we ustu da nibaga ḵan diḵayu baḵon nu adiyupun.

Ephesians 6:5

Ḵan diḵayu we musassu, tuttuwaonyu oḵyan da ap-apuwonyu sina'd luta. Patganyu ḵan dayawonyu oḵyan didae maḻpu'tta pusuyu ya ipapuutyu we angwa'tta paḵwada ḵan diḵayu we isun ni ḵoonyu nu aḵ Apu Jesu Kristu angibaga ḵan diḵayu.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

Philippians 1:29

Te innatod Apudyus wayayu we daḵampun aḵ abus amatiyanyu ḵan Kristu yaḵon sa ampaḵaḻamanyu bos mipagapu'tte amatiyanyu ḵan siya.

Philippians 1:6

Anggappiyaaḵ os te iniiggammuḵe aaddi ye aḵ Apudyus we nangisaḻad si ambaḻu we ḵoona'tta biyagyu, siya bos amagapagatup inggana'ḵ magangput atte ḵasine umaliyan Jesu Kristu.

Philippians 2:19

Nu iyunud Apu Jesus, namnamaoḵe adipun manunnuwan ya ibuunku'ḵ Timothy ḵan diḵayu ta mipauli ḵad ya ug-uggudona mipanggob ḵan diḵayu, lumayadaḵ ya lumayad ḵayu bos.

Philippians 4:1

Pun diḵayu we susunudḵu ḵan Kristu, ipapatiyu we amati ḵan Apu. Ay-ayatoḵ ya amod ayuḵ ḵan diḵayu te diḵayu da amalayad ḵan saḵon ya diḵayu da isun di gungunaḵ atte ḵewaaḻḵu.

Philippians 4:15

Diḵayu we iPhilippi, igammuyu we sa damun ni nangiwaḻagawagaḵ si Ambaḻu we Damag ḵan diḵayu si naḻpuwaḵ ad Macedonia, ippun udum atta namati ye magimugimung aḵ bummadang ḵan saḵon yaḵon abus ḵayu. Ḵad nambalin ḵayu'ḵ buḻunḵu we anserbi ḵan Kristu te nangitoitod ḵayu ḵan saḵon.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

2 Timothy 2:10

Pun attomaḵ da losane ampaḵaḻamaḵ gapu'tta pinilin Apudyus we tagu ta mataguda gapu'tte niyossaananda ḵan Jesu Kristu ya midogada si ḵabaḻuwane antatagu ḵan Apudyus ad langite ippun anungusna.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

Hebrews 4:11

Igga taḵu ḵabooḻan taḵu we maḵaḻnoḵ atte sadi ye umillongan ta ippun osa ḵan ditaḵu'ḵ adi maḵaḻnoḵ gapu si adi taḵu tumuttuwaan.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

1 Peter 2:11

Susunud ḵan Kristu we ay-ayatoḵ, gapu ta isu taḵun ḵaili si annae lubung ya sin-aḵitane abus inggawan taḵu sina, an-awidanyu ḵappos pipion ni long-agyu we angubagubat ḵan diḵayu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.