Philippians 1:9 - Sa Ugud Apudyus

⁹ Annaya da iluwaḻuḵ ḵan Apudyus. Ḵodawoḵe pumigsapigsa oḵyan ayatyu ḵan siya ya da buḻunyu, ḵad madog-an oḵyan igammuyu si mipanggob ḵan Apudyus ya sa ḵabooḻanyu we angigammu nu ngai da ustu we ḵoonyu,

Philippians 1:9 Iomraidhean Croise

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

2 Corinthians 8:7

Gapu'tte nangitutuḻ-ayanyu'tte pammatiyu, ampalawaganyu, ḵinalaingyu, angipapuutanyu angwaan atta ambaḻu ya sa angayatanyu ḵan diḵani, namnamaonni bose ituḻ-ayyu badangyu'tta buḻunyu gapu'tte ḵinabaḻuyu.

Ephesians 5:17

Pun adi ḵayu oḵyan andongdong-og yaḵon siya somsomḵonyu da pinion Apu we ḵoonyu.

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

Colossians 3:10

ya awatonyu baru we ansosomsomoḵ ḵan ugali ye itton Apudyus ḵan diḵayu ḵad pagatupana pabaruwon ta miyisu ḵayu ḵan siya ya igammuwonyu we ustu.

1 Thessalonians 3:12

Dog-an oḵyan Apu ayatyu ta lumay-as atta buḻunyu ya losane tagu we isun ni ayatni ye lummay-as ḵan diḵayu.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

Philemon 1:6

Ilulluwaḻuḵe sa ambubuḻunan taḵu'tte pammati, ambanag oḵyan si naadaḻome an-aawat atta losane bindisyune anna ḵan ditaḵu gapu si pammati taḵu ḵan Kristu.

Hebrews 5:14

Yaḵon da namati ye maḵaawat atte naadaḻome tuttudu'tte Ugud Apudyus, isuda da nanaḵmane tagu we ḵanonda anḵosdoḻ. Te lamogda imatunan ambaḻu ḵan lawweng.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.