Philippians 1:12 - Sa Ugud Apudyus

¹² Susunudḵu ḵan Kristu, pioḵ ipaigammu ḵan diḵayu we sa naḵwa ḵan saḵon, daḵampun aḵ lawweng nambanagana yaḵon ambaḻu te ummadu da tagu we amati si Ambaḻu we Damag.

Philippians 1:12 Iomraidhean Croise

Luke 21:13

Ḵad sadi gundawayyu we angibaga si Ambaḻu we Damag ḵan dida.

Acts 8:4

Da sadi ye nabuḵaḻe namati, iwwaḻagawagda Ugud Apudyus mipanggob ḵan Jesus atta dinumane ili ye ayanda.

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

Romans 8:37

Yaḵon taḵon ay nu maḵwa losan da sadi ḵan ditaḵu, aangngog taḵu mipagapu ḵan Jesu Kristu we nangay-ayat ḵan ditaḵu.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Philippians 2:22

Yaḵon aḵ Timothy ḵad, iniiggammuyu we ambaḻu ugalina te innilayu we isunin an-ama si ḵewaaḻni ye angiwaḻagawag atte Ambaḻu we Damag.

Philippians 4:15

Diḵayu we iPhilippi, igammuyu we sa damun ni nangiwaḻagawagaḵ si Ambaḻu we Damag ḵan diḵayu si naḻpuwaḵ ad Macedonia, ippun udum atta namati ye magimugimung aḵ bummadang ḵan saḵon yaḵon abus ḵayu. Ḵad nambalin ḵayu'ḵ buḻunḵu we anserbi ḵan Kristu te nangitoitod ḵayu ḵan saḵon.

Philippians 4:3

Siḵa ḵad ose mataḻgodane buḻunḵu, badangam ḵappos da sanae bubai ta an-asipakawanda ya mipaḻ-og an-ossaananyu. Te pummangogdae naḵaḵewaaḻ ḵan saḵon atte nangiwaḻagawagaḵ si Ambaḻu we Damag, nidoga da Clement ya da udume naḵaḵewaaḻ ḵan saḵone awad da ngadanda si iblu we nigiliyan da ngadan da awad biyagda'ḵ inggana.

1 Timothy 2:8

Ḵad pioḵe da losane gimungyu we namati, alluwaḻu da laḻaḵi. Ḵasapuḻane ampoḻḵas somsomoḵda ya adidapun bumasuḻ ya ippun oḵyan summang-anda baḵon nu maḵasuboganda nu ingatuda imadae alluwaḻu.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.