Philemon 1:6 - Sa Ugud Apudyus

⁶ Ilulluwaḻuḵe sa ambubuḻunan taḵu'tte pammati, ambanag oḵyan si naadaḻome an-aawat atta losane bindisyune anna ḵan ditaḵu gapu si pammati taḵu ḵan Kristu.

Philemon 1:6 Iomraidhean Croise

Matthew 25:16

“Ḵingwan ḵad ni naittan aḵ limallibu we palata, innigusunae dagus woḵ naḵagalansiya bos aḵ limallibu we palata.

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

1 Corinthians 14:25

Ḵad nu mitoḵwaḻ da losane mitataḻu'tte somsomoḵna, sadi asina analluḵuwane ambabawi'tta basuḻna ḵad siya dayawona'ḵ Apudyus we ḵanana, “Tuttuwae awad aḵ Apudyus ḵan diḵayu.”

1 Corinthians 16:9

Te taḵon ay adu bos da sumullagi ḵan saḵon, ad-adu wayaḵe antuttudu te adu da maḻyad andongoḻ.

Philippians 4:8

Sa anungus ni ibagaḵ ḵan diḵayu we susunudḵu ḵan Kristu, siya oḵyan pasigyu sosomḵon da tuttuwa, ampatog, ustu, ampoḻḵas, ambaḻu ḵan ḵadayawan. Ḵad taḵon ay da udume ambaḻu baḵon nu nanggodonge ugud, sadi oḵyan da imumuḻayu'tta somsomoḵyu.

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

Colossians 3:10

ya awatonyu baru we ansosomsomoḵ ḵan ugali ye itton Apudyus ḵan diḵayu ḵad pagatupana pabaruwon ta miyisu ḵayu ḵan siya ya igammuwonyu we ustu.

Titus 3:14

Ilam os ta paingsaonda da doga taḵu'tte pammati ye angwa'tta ambaḻu ta badanganda da tuttuwae anḵasapuḻ ta ambaḻu ambanagan da biyagda.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

James 2:14

Susunudḵu ḵan Kristu, ngai maganab ni tagu we angibagae awad de pammatina yaḵon adipun mipaila si gunayna? Taguwon ḵamman ni pammatina?

James 2:17

Ḵatti isun ni pammati ye abus, nu adipun mipaila si ambaḻu we gunay, ippun anuna.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 3:1

Diḵayu we bubbubai ye naasaw-an, ḵasapuḻane paituray ḵayu'tta asawayu ta awad ḵad ḵan dida da adipun tumuttuwa gapu si adidapun amatiyan atte Ugud Apudyus, maawisdae amati gapu si ambaḻu we ugaliyu taḵon ay nu adi ḵayu an-ugud

1 Peter 3:16

Ḵad ḵasapuḻane pasig ampoḻḵas somsomoḵyu ta awad ḵad an-ugud aḵ lawweng ḵan diḵayu gapu si ambaḻu we ugaliyu we namati ḵan Kristu, mibabbainda si inugudda.

2 Peter 1:8

Te nu wadawad da anna ḵan diḵayu ya madog-adog-an, ambanag si amunga'ḵ adu gapu'tte angigammuwanyu ḵan Jesu Kristu we Apu taḵu.