Matthew 9:6 - Sa Ugud Apudyus

⁶ Yaḵon ipailaḵ ḵan diḵayu ta igammuwonyu we saḵone Abeng Di Tagu, anna ḵaḻabbongaḵ sina'd lutae amakawan atta basuḻ da tagu.” Ḵanana'tte naparalaes, “Bumangonḵa, aḻam bulignu ta inḵan si boḻoyyu.”

Matthew 9:6 Iomraidhean Croise

Matthew 4:24

Nandinongoḻ da ḵingwan Jesus atta losane saḵubna'd Syria. Pun nan-iyoyda ḵan siya'tta losane nasaḵit ya da ampaḵaḻam, isun da naaḻanan, naḵoḻtoy ya da naparalaes woḵ ḵinaanna da saḵitda.

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Matthew 9:2

Pun indatongda ḵan siya naparalaese binuliganda. Innilan ḵad ay Jesus pammatida, ḵanana'tte naparalaes, “Sunud, papigsaom somsomoḵnu, napakawan da basuḻnu.”

Matthew 9:5

Ngai ḵad ain naḻaslasu we ibagaḵ ḵan siya, ‘Napakawan da basuḻnu,’ baḵon nu ‘Tumaḵdogḵa ya anaddaḻanḵa’?

Matthew 9:7

Pun daguse bummangon woḵ ummoyon.

Mark 2:10

Yaḵon ta angigammuwanyu we saḵone Abeng Di Tagu we naḻpu'd langite niyanaḵ sina'd luta, anna ḵaḻabbongaḵ sina'd lutae amakawan atta basuḻ da tagu.” Pun ḵanana'tte naparalaes,

Mark 2:7

“Ngaipana ugudon ḵaḵnat? Itaḻayagna long-agnae miyisu ḵan Apudyus! Te ngai ḵallabbonge amakawan atta basuḻ yaḵon abus aḵ Apudyus?”

Luke 5:21

Gapu'tte sadi ye imbagana, ḵanan da Pharisee ya da mimistulun ni lintog atta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus we abus aḵ anna ḵaḻabbonganae amakawan atta basuḻ.”

John 10:28

Ittoḵ ḵan dida biyag aḵ inggana ta adidapun misina ḵan Apudyus aḵ inggana ya naippun paat maḵapuḻos ḵan dida ḵan saḵon.

John 17:2

Te innatodnu ḵan saḵon ḵaḻabbongane angipangat atta losane tagu ta ittoḵ biyag aḵ inggana'tta losane innatodnu ḵan saḵon.

John 5:27

Innatodna bos ḵaḻabbongaḵe anḵuwis te saḵon Abeng Di Tagu.

John 5:8

Ḵanan Jesus ḵan siya, “Bumangonḵa, aḻam oboḵnu ya anaddaḻanḵa.”

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Acts 9:34

Ḵanan Peter ḵan siya, “Aeneas, ḵaanon Jesu Kristu saḵitnu. Bumangonḵa ta luḵubom oboḵnu!” Pun daguse bummangon.

2 Corinthians 2:10

Ngaimane pakawanonyu, pakawanoḵ os. Ḵad nu tuttuwae awad ḵasapuḻanae mapakawan, inabusḵu pinakawan si sinagung Kristu ta bumaḻuwanyu,

2 Corinthians 5:20

Pun sinsadi, isun di aḵ Apudyus we mismu angawis ḵan diḵayu mipagapu'tte angusarana ḵan diḵani ye angituttudu ḵan diḵayu si ugudnae isunan diḵani angiyugud ḵan Kristu. Ḵad gapu ḵan Kristu, iyunudyu ḵappose mipaḻ-og maḵabuḻbuḻunanyu ḵan Apudyus.

Ephesians 4:32

yaḵon an-asianggom ḵayu, an-asibadang ḵayu, an-asiḵadagu ḵayu ḵan an-asipakawan ḵayu we isun ni namakawanan Apudyus ḵan diḵayu gapu ḵan Kristu.

Colossians 3:13

Anusanyu oḵyan pakawanon da buḻunyu, nu awad ansosongbatanyu baḵon nu maḵabasuḻ osae tagu ḵan diḵayu, pakawanonyu we isun ni inon Apu we namakawan ḵan diḵayu.