Matthew 9:3 - Sa Ugud Apudyus

³ Nangwa ḵad da udume mimistulun ni lintog, ḵananda'tta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus!”

Matthew 9:3 Iomraidhean Croise

Matthew 26:65

Dingngoḻ ḵad ay ni ḵangatuwane padi imbagana, pinissayna silupna te summanga. Ḵanana, “Iyisuna long-agna ḵan Apudyus! Pun ngaipa taḵu ḵasapuḻan da udum aḵ anaḵdoḻ? Dingngoḻ taḵu da lawwenge imbagana.

Matthew 7:29

Te nantuttudu ḵan didae isun ni osae anna ḵaḻabbongana ya daḵampun aḵ isun da mimistulun ni lintog.

Mark 14:64

Anna paye dingngoḻ taḵu inugudnae iyisuna long-agna ḵan Apudyus! Ngai ḵasomsomḵanyu?” Pun losanda ḵinoddongane ḵaḻabbonganae matoy.

Mark 3:28

“Ibagaḵ ḵan diḵayu ḵatuttuwaan, losane basuḻ da tagu, maḵwae pakawanon Apudyus, taḵon ay da ibagada si mipanggob ḵan Apudyus.

Mark 3:29

Yaḵon sa angamsew atte Ispiritu Santu, adipun maḵwae mapakawan da basuḻna'ḵ inggana.”

Mark 7:21

Te sadi puun ni isun da sanae ḵasomsomḵan, adaḻugona daḵampun aḵ asawana, an-aḵaw, pumatoy, maḵadagdagas,

Luke 5:21

Gapu'tte sadi ye imbagana, ḵanan da Pharisee ya da mimistulun ni lintog atta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus we abus aḵ anna ḵaḻabbonganae amakawan atta basuḻ.”