Matthew 9:28 - Sa Ugud Apudyus

²⁸ Pinagatupan Jesus we nanaddaḻan inggana'ḵ dummatong si boḻoye ayana woḵ nillumnoḵ. Naḵaḻnoḵ os da duwae naḵuḻap. Pun ḵanana ḵan dida, “Patiyonyu ḵad aine lamogḵu ḵaanon da ḵuḻapyu?” Ḵananda, “On, Apu, patiyonni.”

Matthew 9:28 Iomraidhean Croise

Matthew 13:1

Sa sadi ye aḻgaw, lummawa da Jesus si sadi ye boḻoy woḵ ummoy tummuḵdu si taḻantag ni baybay ta antuttudu.

Matthew 13:36

Pun tinenan Jesus da tagu woḵ nillumnoḵ si boḻoy. Ḵanan da disipulunae nibuḻun, “Ipaḵaawatnu ḵappos ḵan diḵani pani mipanggob si sabsabuge nidoga tummubu'tta pagoy.”

Matthew 13:58

Gapu ta adidapun amati, adinapun ḵingwa da adu we nakaskasdaaw sidi.

Matthew 8:14

Ummoy ḵad aḵ Jesus atte boḻoy da Peter, innilanae uumbog ḵatuganganae bubai te an-atung.

Matthew 8:2

Baag-en ummadani ḵan siya laḻaḵi ye naleprosy woḵ ḵananae nanalluḵu, “Apu, nu piom, lamognu ḵaanon saḵitḵu.”

Matthew 9:22

Nantawili ḵad aḵ Jesus, innilana bubai woḵ ḵanana, “Abengḵu, papigsaom somsomoḵnu. Gapu'tte pammatim ḵan saḵon, bummaḻuḵa.” Pune sadi, daguse bummaḻu.

Matthew 9:27

Nallibbat ḵad da Jesus, tinun-ud da duwae naḵuḻap si anadtaddaḻananda woḵ ḵanandae napapḵaaw, “Siḵae ganaḵ Ari David, ḵadaguwam ḵappos diḵani!”

Matthew 9:29

Pun iyyappad Jesus imana'tta atada woḵ ḵanana, “Gapu'tte pammatiyu, maḵwa ḵan diḵayu.”

John 11:26

Ḵad ngaimane matagu ya amati ḵan saḵon, adipun paat matoy. Patiyom ḵamman anna?”

John 11:40

Ḵanan Jesus, “Adiḵpun ḵamman imbagae nu amatiḵa, ilam madayawan Apudyus?”

Acts 14:9

Nandodongngoḻ ḵad atta inugud Paul, immumusḵoḻ Paul pun innilanae ampigsa pammatinae lamog Apudyus anaddaḻanon.