Matthew 9:27 - Sa Ugud Apudyus

²⁷ Nallibbat ḵad da Jesus, tinun-ud da duwae naḵuḻap si anadtaddaḻananda woḵ ḵanandae napapḵaaw, “Siḵae ganaḵ Ari David, ḵadaguwam ḵappos diḵani!”

Matthew 9:27 Iomraidhean Croise

Matthew 1:1

Annaya listaan da danaḵḵoḻ Jesu Kristu we siya pinilin Apudyus aḵ Anagu ḵan An-ari. Siya ganaḵ Ari David ya ganaḵ os Abraham.

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Matthew 15:22

Inninggaw bubai ye iCanaan we Gentil we naḵaumili. Ummadani ḵan Jesus woḵ isassaudna ḵanane nampoḵaw, “Apu, we ganaḵ Ari David, ḵadaguwanaḵ ḵappos! Awad de abengḵu we babaḻasange naaḻanan. Ḵad awade amod de saḵitna.”

Matthew 17:15

woḵ ḵanana “Apu, ḵadaguwam ḵappos abengḵu we naḵoḻtoy. Ampaḵapaḵaḻam ya patilayun misobosob si danum baḵon nu misubba si apuy.

Matthew 20:29

Tinenan ḵad Jesus ya da disipuluna'd Jericho, aduadu da tagu we nitun-ud ḵan dida.

Matthew 21:15

Yaḵon innilan ḵad da papangat da papadi ya da mimistulun ni lintog da nakaskasdaawe ḵingwana ya dingngoḻda bos da abenge ḵanandae angiyip-ipḵaw atte paway ni templo, “Madayaw ganaḵ Ari David!” Summangada.

Matthew 21:9

Da losane tagu we ummun-una ḵan niyun-unud ḵan Jesus, ḵanandae nanugtug-uy, “Madaydayaw ganaḵ Ari David! Madaydayaw oḵyan umali ye imbuun Apudyus! Madaydayaw aḵ Apudyus we ḵangatuwan!”

Matthew 9:28

Pinagatupan Jesus we nanaddaḻan inggana'ḵ dummatong si boḻoye ayana woḵ nillumnoḵ. Naḵaḻnoḵ os da duwae naḵuḻap. Pun ḵanana ḵan dida, “Patiyonyu ḵad aine lamogḵu ḵaanon da ḵuḻapyu?” Ḵananda, “On, Apu, patiyonni.”

Mark 11:10

Madaydayaw ampangatan ni annae ganaḵ Ari David! Madaydayaw aḵ Apudyus we ḵangatuwan!”

Mark 9:22

Dam-ona ituppang si apuy ya sa danum ta gongatona. Madaguḵa ḵappos ta badangam diḵani nu lamognu.”

Luke 17:13

woḵ ḵanandae nampoḵaw, “Apu Jesus ḵadaguwam ḵappos diḵani!”

Luke 20:41

Pun ḵanan Jesus ḵan dida, “Ngaipada ḵanane aḵ Kristu ganaḵ Ari David?

Luke 7:21

Sa dummaḵnganda, ḵinaan Jesus da saḵit da adu we tagu, ḵad pinaḻyawna bos da aḻan atta naaḻanan. Ḵinaanna bos ḵuḻap da naḵuḻap,

John 7:42

Te nigili si Ugud Apudyus we maḻpu Kristu atta ganaḵ Ari David. Ḵad miyanaḵ ad Bethlehem we ilin Ari David atte awe.”

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.