Matthew 9:22 - Sa Ugud Apudyus

²² Nantawili ḵad aḵ Jesus, innilana bubai woḵ ḵanana, “Abengḵu, papigsaom somsomoḵnu. Gapu'tte pammatim ḵan saḵon, bummaḻuḵa.” Pune sadi, daguse bummaḻu.

Matthew 9:22 Iomraidhean Croise

Matthew 15:28

Ḵanan Jesus, “Bubai, ampigsa pammatim! Ḵad gapu'tte sadi, maatod de ḵindawnu.” Pun sa nangibag-ana, daguse lummawa aḻan si abengnae babaḻasang.

Matthew 17:18

Pun sinuppaḵan Jesus aḻan woḵ pinaḻyawna ta tenana abeng woḵ tinenan ḵad ni aḻan, daguse naḵaan saḵitna.

Matthew 8:13

Ḵanan Jesus si kapitan, “Mipauliḵa te mituttuwa pinatim.” Pun daguse ḵummosdoḻ sammiluna si sadi ye nangibag-ana.

Matthew 9:2

Pun indatongda ḵan siya naparalaese binuliganda. Innilan ḵad ay Jesus pammatida, ḵanana'tte naparalaes, “Sunud, papigsaom somsomoḵnu, napakawan da basuḻnu.”

Matthew 9:29

Pun iyyappad Jesus imana'tta atada woḵ ḵanana, “Gapu'tte pammatiyu, maḵwa ḵan diḵayu.”

Mark 10:52

Ḵanan Jesus, “Inḵan! Gapu'tte pammatim ḵan saḵon, maḵailaḵa!” Pun daguse naḵaila woḵ nitun-ud ḵan siya.

Mark 5:34

Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu ḵad adipun ogon mipauli saḵitnu.”

Luke 17:19

Pun ḵanana'tte sadi ye laḻaḵi, “Tumaḵdogḵa ta inḵan. Sa pammatim gapun ni lummin-awaam.”

Luke 18:42

Ḵanan Jesus, “Gapu'tte pammatim ḵan saḵon, maḵailaḵa.”

Luke 7:50

Ḵanan Jesus atte bubai, “Sa pammatim gapun ni mataguwam. Inḵan lumin-awa somsomoḵnu!”

Luke 8:48

Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu.”

John 4:53

Pun inḵagasmoḵ ni ama we sadi ustuustu we nangibag-an Jesus ḵan siya ḵanane, “Matagu abengnu.” Pune sadi, siyae mismu ya da ḵabaḻyanna namatida losan ḵan Jesus.

Acts 14:9

Nandodongngoḻ ḵad atta inugud Paul, immumusḵoḻ Paul pun innilanae ampigsa pammatinae lamog Apudyus anaddaḻanon.

Acts 16:18

Adu aḻgawe nangwaana'tta ḵaḵna inggana'ḵ nappog aḵ Paul. Nantawili si babaḻasang woḵ ḵanana si aḻan, “Gapu'tte ḵabooḻan Jesu Kristu, ibagaḵ ḵan siḵa lumawaḵa ḵan siya!” Pun daguse lummawa aḻan.

Hebrews 4:2

Dingngoḻ taḵu Ambaḻu we Damag we niwaḻagawage isun os ni dingngoḻ da danaḵḵoḻ taḵu si awe. Yaḵon ippun anun ni dingngoḻda te adidapun nan-ossaane namati'tta udume nandongoḻ.