Matthew 9:2 - Sa Ugud Apudyus

² Pun indatongda ḵan siya naparalaese binuliganda. Innilan ḵad ay Jesus pammatida, ḵanana'tte naparalaes, “Sunud, papigsaom somsomoḵnu, napakawan da basuḻnu.”

Matthew 9:2 Iomraidhean Croise

Matthew 14:27

Pun daguse gumminga'ḵ Jesus woḵ ḵanana, “Tumuḻod ḵayu! Adi ḵayu maḵimut! Saḵon aḵ Jesus!”

Matthew 4:24

Nandinongoḻ da ḵingwan Jesus atta losane saḵubna'd Syria. Pun nan-iyoyda ḵan siya'tta losane nasaḵit ya da ampaḵaḻam, isun da naaḻanan, naḵoḻtoy ya da naparalaes woḵ ḵinaanna da saḵitda.

Matthew 6:12

Ḵad pakawanom da basuḻni te pinakawanni bos da naḵabasuḻ ḵan diḵani.

Matthew 8:10

Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.

Matthew 8:16

Ḵummoḻop ḵad, nan-idatongda ḵan siya'tta naaḻanan ya da nasaḵit. Pinaḻyaw Jesus da aḻane abus imbaganae lumawada ya ḵinaanna saḵit da losane nasaḵit.

Matthew 9:22

Nantawili ḵad aḵ Jesus, innilana bubai woḵ ḵanana, “Abengḵu, papigsaom somsomoḵnu. Gapu'tte pammatim ḵan saḵon, bummaḻuḵa.” Pune sadi, daguse bummaḻu.

Matthew 9:5

Ngai ḵad ain naḻaslasu we ibagaḵ ḵan siya, ‘Napakawan da basuḻnu,’ baḵon nu ‘Tumaḵdogḵa ya anaddaḻanḵa’?

Matthew 9:6

Yaḵon ipailaḵ ḵan diḵayu ta igammuwonyu we saḵone Abeng Di Tagu, anna ḵaḻabbongaḵ sina'd lutae amakawan atta basuḻ da tagu.” Ḵanana'tte naparalaes, “Bumangonḵa, aḻam bulignu ta inḵan si boḻoyyu.”

Mark 1:32

Lummabi ḵad, inniyoy da umili da losane naaḻanan ya da nasaḵit ḵan Jesus.

Mark 10:49

Dingngoḻ ḵad ay Jesus, nansadang woḵ ḵanana, “Ayaganyu!” Pun ummoyda inayagan woḵ ḵananda, “Tumuḻodḵa! Tumaḵdogḵa te aḵ Jesus nampaayag ḵan siḵa.”

Mark 5:34

Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu ḵad adipun ogon mipauli saḵitnu.”

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

John 2:25

Ḵad adinapun ḵasapuḻane awad anaḵdoḻ mipanggob ḵan dida te inigammuna da awad atta somsomoḵda.

John 21:5

Ḵanan Jesus ḵan dida, “Susunud! Awad innaḻayu'ḵ ugadiw?” Ḵanandae summongbat, “Naippun!”

Acts 14:9

Nandodongngoḻ ḵad atta inugud Paul, immumusḵoḻ Paul pun innilanae ampigsa pammatinae lamog Apudyus anaddaḻanon.

Acts 19:12

Te taḵon ay da pangpangyu ḵan sinnune inusarna, nu iyoyda'tta masaḵit, maḵaan da saḵitda ḵad lumawa da aḻan atta naaḻanan.

Acts 23:11

Sa sadi ye labi, nampaila'ḵ Apu Jesus ḵan Paul woḵ ḵanana, “Papigsaom somsomoḵnu te ḵasapuḻane taḵdoḻam mipanggob ḵan saḵon ad Rome we isun ni nanaḵdoḻam ḵan saḵon sina'd Jerusalem.”

Romans 5:11

Daḵampun aḵ abus sadi yaḵon allaylayad taḵu bos si naḵabuḻbuḻunan taḵu ḵan Apudyus mipagapu ḵan Apu taḵu we Jesu Kristu. Gapu ḵan siya, nipaḻ-og maḵabuḻbuḻunan Apudyus ḵan ditaḵu.

James 2:18

Yaḵon ḵanan ni osa, “Awad de pammatim ḵad awad os ambaḻu we gunayḵu.” Annaya isongbatḵu, “Ipailam ḵan saḵon pammatime naippun gunay ḵad ipailaḵ os pammatiḵ mipagapu si ambaḻu we gunayḵu.”