Matthew 9:17 - Sa Ugud Apudyus

¹⁷ Naippun os tagu'ḵ ibilungna inabuyu'tte dadaane geddange bibillungan. Te nu ḵoona ḵaḵna, bumtaḵ sadi ye geddange bibillungan ḵad umabuyang bayas ya madadail geddange bibillungan. Yaḵon ḵasapuḻane ibilung oḵyan inabuyu si baru we geddange bibillungan ta an-isu we dumadaanda.”

Matthew 9:17 Iomraidhean Croise

Matthew 9:16

“Naippun tagu'ḵ ituḵupna baru we lupute adipun yan misaḵsaḵ si dadaane silup te nu mituḵup si dadaane luput ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

Matthew 9:18

Sissiya ḵad aḵ Jesus we maḵaug-uggud atta disipulun John, dummatong pangat da Judyu. Nanalluḵu si sinagung Jesus woḵ ḵanana, “Awad de bubai ye abengḵu we ḵaḵḵatoy yaḵon awwaynu ḵappos ta inḵa iyappad imam ḵan siya ta umuli.”

Mark 2:22

Naippun os tagu'ḵ ibilungna inabuyu'tte dadaane geddange bibillungan. Te nu ḵoona ḵaḵna, bumtaḵ sadi ye geddange bibillungan ḵad umabuyang bayas ya madadail geddange bibillungan. Yaḵon ḵasapuḻane ibilung oḵyan inabuyu si ḵaḵḵopyae geddange bibillungan.”

Luke 5:37

Naippun os tagu'ḵ ibilungna inabuyu'tte dadaane geddange bibillungan. Te nu ḵoona ḵaḵna, bumtaḵ sadi ye geddange bibillungan ḵad umabuyang ya madadail geddange bibillungan.

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.