Matthew 9:15 - Sa Ugud Apudyus

¹⁵ Impanin Jesus we summongbat woḵ ḵanana, “Andadauy ḵamman da buḻbuḻun ni angasawae laḻaḵi nu awad ḵan dida? Yaḵon sa umali ye aḻgaw nu miyadayu nangasawae laḻaḵi ḵan dida, sadi timpu we allaunda.”

Matthew 9:15 Iomraidhean Croise

Matthew 9:14

Pune sadi, ummoy da disipulun John we Ambobonyag ḵan Jesus woḵ ḵananda, “Diḵani ya da Pharisee, allaun ḵani ta alluwaḻu ḵani. Yaḵon da disipulum ḵad, ngaipada adi ḵoon?”

Matthew 9:16

“Naippun tagu'ḵ ituḵupna baru we lupute adipun yan misaḵsaḵ si dadaane silup te nu mituḵup si dadaane luput ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna.

Mark 2:19

Ḵanan Jesus we nangipani, “Allaun ḵamman da buḻbuḻun ni angasawae laḻaḵi nu awad ḵan dida? Anganda pos pagay. Sa annaan ni angasawae laḻaḵi ḵan dida, adidapun allaun.

Mark 2:20

Yaḵon sa umali ye aḻgaw nu miyadayu nangasawae laḻaḵi ḵan dida, sadi aḻgawe allaunanda.”

Luke 17:22

Pun ḵanana'tta disipuluna, “Dumatong timpu we pionyu ilan Abeng Di Tagu taḵon ay sin-aḵitan yaḵon adiyupun maila saḵon.

Luke 5:34

Ḵanan Jesus, “Allaun ḵamman da buḻbuḻun ni angasawae laḻaḵi nu awad ḵan dida? Anganda pos pagay.

Luke 5:35

Yaḵon sa umali ye aḻgaw nu miyadayu nangasawae laḻaḵi ḵan dida, sadi da aḻgawe allaunda.”

John 16:6

Gapu ta imbagaḵ ḵan diḵayu da anna, bummaduuḻ ḵayu.

John 3:29

Sa ḵasasaadḵu isuna buḻbuḻun ni ankasar we laḻaḵi. Ḵad taḵon ay nu daḵampun ḵan siya angikasar si bubai, amod de layadnae midoga si kasar te dongngona gingan ni buḻbuḻunna. Sadi isuna ḵan saḵone amoamod layadḵu sinsadi gapu ḵan Kristu.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

1 Corinthians 7:5

Ḵan diḵayu we an-as-asawa, adiyu iyadi ḵaḻabbongan ni asawayu, malaksid nu antuḻaganyu we adiḵayu yan an-adaḻug ta ipapatiyu we alluwaḻu. Ḵad nu maabus aḻgawe alluwaḻuwanyu, an-adaḻug ḵayu bos ta adin Satan diḵayu sulisugon aḵ bumasuḻ te adiḵayupun maḵatupod atta long-agyu.

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

Revelation 19:9

Pun ḵanan ni anghel ḵan saḵon, “Igilim anna: Pian da tagu we naayagan aḵ midoga maḵaḵan atte kasar ni Ubbu we Karnero.” Pun pinagatupana woḵ ḵanana, “Sana tuttuwae Ugud Apudyus.”

Revelation 21:2

Innilaḵ os baru we Jerusalem we sa siyudad Apudyus. Sa baru we Jerusalem we maḻpu ḵan Apudyus ad langit. Sa sanae siyudad, naganggangpute nisaganae isuna bubai ye nansilup atte maḵaawise silupe umoy miyabot atte angasawa ḵan siya.