Matthew 8:5 - Sa Ugud Apudyus

⁵ Dummatong ḵad aḵ Jesus ad Capernaum, inninggaw kapitan da suḻdadu we iRome we ummoy niyabot nandagdagu ḵan siya

Matthew 8:5 Iomraidhean Croise

Matthew 11:23

“Diḵayu ḵade iCapernaum, sosomḵonyu ḵad aine midayaw ḵayu'd langit? Naid! Sa maḵwa, aaddi ye miballu ḵayu'd Hades, sa igaw da natoye madusaanyu! Te nu ad Sodom oḵyan nangwaaḵ atte nakaskasdaawe isun da ḵingwaḵ atta iliyu, dagus nine nambabawida'tta basuḻda ya adimpun nin oḵyan Apudyus dinadail ilida ḵad awad oḵyane sissiya'd Sodom sina inggana sinsadi.

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Matthew 4:13

Pun tinenana ili'd Nazareth woḵ ummoy inninggaw ad Capernaum we osae ili'tte taḻantag ni baybay ad Galilee si saḵubna'd Zebulun ḵan Naphtali.

Matthew 9:1

Pune sadi, nambangka da Jesus woḵ dummoḻmangda nipauli'tte ilina.

Mark 15:39

Sa ḵapitan da suḻdadu we nangitotollong si nanḵaḵatoy Jesus ḵanana, “Sa annate tagu tuttuwae Abeng Apudyus.”

Mark 2:1

Naḻaḵpus ḵad pigae aḻgaw, nipauli'ḵ Jesus ad Capernaum woḵ dingngoḻ ḵad da tagu we dummatong,

Acts 22:25

Yaḵon intaḵodda ḵad ta aplitonda oḵyan, ḵanan Paul si kapitane tataḵdog sidi, “Iyunud ḵamman ni lintoge aplitonyu Romano nu ippun indasanda'ḵ naḵabasuḻana?”

Acts 23:17

Pun inayagan Paul osae kapitan woḵ ḵanana ḵan siya, “Buḻunam ḵappos annae babaḻu we umoy atte kumander te awad de ibagana.”

Acts 23:23

Pune sadi, inayagan ni kumander da duwae kapitan woḵ ḵanana, “Isaganayu da duwanggasute suḻdadu, duwanggasut ose nantubay ya pitumpuḻu we angabayu ta iyoyyu'ḵ Paul ad Caesarea. Allibbat ḵayu'ḵ ḵugḵugab.

Acts 27:13

Sa sadi, dummatong bibbide naḻpu'd daya, ḵanandapun nu maḵwae pagatupanda baatda. Impangatuda andagsone ḵagae ngannonda angklae amaginoḵ si bapur woḵ nallibbat ḵani ye nangigiigid ad Crete.

Acts 27:31

Yaḵon ḵanan Paul si kapitan ya da suḻdaduna, “Nu adipun inggaw da marinero si annae bapur, ippun matagu ḵan diḵayu.”

Acts 27:43

Yaḵon iyyadin ni kapitan te pionae matagu'ḵ Paul. Pun imbilinna'tta lamogdae anḵiyate umunada pumaytuḵ si baybay ta tumaḵdangda si taḻantag,

Acts 9:38

Pun dingngoḻ ḵad da namati ye awad aḵ Peter ad Lydda we adanina'd Joppa, nambuunda'ḵ duwae laḻaḵi aḵ umoy angayag ḵan siya woḵ ḵanandae nandagdagu, “Agagam ḵappos ta intaḵu'd Joppa.”