Matthew 8:4 - Sa Ugud Apudyus

⁴ Ḵanan Jesus, “Inḵa ipaila long-agnu si padi ta panoḵnoḵanae naḵaan saḵitnu. Ḵad ittom ḵan siya idatunnu ḵan Apudyus we isun ni imbilin Moses ta amanoḵnoḵan da tagu we ḵawagase naḵaan pagay saḵitnu. Malaksid atte padi, adim paat ibaga ḵingwaḵ ḵan siḵa'tta ngaiman.”

Matthew 8:4 Iomraidhean Croise

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Matthew 16:20

Pun binilibilin Jesus da disipuluna ta adida paat ug-uggudon atta ngaimane tagu we siya'ḵ Kristu.

Matthew 17:9

Nan-osogda ḵad, ḵanan Jesus we namilin atta disipuluna, “Adiyu ugudon atta ngaiman da innilayu, inggana'ḵ taguwon Apudyus saḵone Abeng Di Tagu.”

Matthew 3:15

Yaḵon ḵanan Jesus we summongbat, “Ḵoom sinsadi te ustu nu ḵoon taḵu anna ta ituttuwa taḵu da losane pinion Apudyus.” Pun binonyagan John.

Matthew 5:17

Pune sadi ḵanan Jesus, “Adiyu sosomḵone ummaliyaḵ ta iyyaḵ waswason da lintog Moses ya da inggilin da profeta yaḵon ummaliyaḵ ta ituttuwaḵ da imbagada.

Matthew 6:1

Pinagatupan Jesus we nantuttudu woḵ ḵanana, “Ilanyu ta adiyu gagaḻ-on ipappaila'tta tagu we naun-unan ḵayu te nu siya ḵoonyu, ippun gungunayu ḵan Amayu'd langit.

Matthew 9:30

Pun daguse naḵaan da ḵuḻapda. Unipun binilibilin Jesus dida woḵ ḵanana, “Adiyu ibaga'tta ngaiman sadi ye ḵingwaḵ.”

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Mark 3:12

Yaḵon binilibilinna dida ta adida ug-uggudon mipanggob ḵan siya.

Mark 5:43

Imbilibilin Jesus ḵan didae adida ug-uggudon atta ngaiman da naḵwa woḵ ḵanana bos, “Ittanyu'ḵ ḵanona.”

Mark 6:11

Yaḵon nu awad ili'ḵ ayanyu ya adidapun mangiliyon ḵan dongngon da ibagayu, tenanyu. Ḵad nu inḵayun, ipaḻpagyu gabu'tta dapanyu ta igammuwondae dida asi ḵigad atte madusaanda.”

Mark 7:36

Imbilin Jesus ḵan didae adida paat ug-uggudon atta ngaiman. Yaḵon taḵon ay nu binilibilinna dida, amo inuguugudda.

Mark 8:30

Pun binilin Jesus didae adida ug-uggudon mipanggob ḵan siya'tta ngaiman.

Mark 9:9

Nan-osogda ḵad, ḵanan Jesus we namilin ḵan dida, “Adiyu ugudon atta ngaiman da innilayu inggana'ḵ umuliyaḵe Abeng Di Tagu.”

Luke 17:14

Innilan ḵad Jesus dida ḵanana, “Inḵayu ampaila'tta papadi ta ilanda nu naḵaan da saḵityu.” Inggawda ḵad atte daḻan, pummoḻḵasda.

Luke 21:13

Ḵad sadi gundawayyu we angibaga si Ambaḻu we Damag ḵan dida.

Luke 4:41

Pinaḻyawna bos da aḻan atta adu we naaḻanan. Lummawada ḵad, ḵanandae simbobogga, “Siḵa Abeng Apudyus!” Sinang-an Jesus dida woḵ adinapun dida iyyunude an-uguugud te iniiggammudae siya Kristu.

Luke 5:14

Ḵanan Jesus, “Inḵa ampaila si padi ta panoḵnoḵanae naḵaan leprosym. Ḵad ittom ḵan siya idatunnu ḵan Apudyus we isun ni imbilin Moses ta amanoḵnoḵan da tagu we tuttuwae naḵaan. Malaksid atte padi, adim paat ibaga ḵingwaḵ ḵan siḵa'tta ngaiman.”

Luke 8:56

Pun nataag da ama ḵan inana yaḵon ḵanan Jesus we namilin ḵan dida, “Naippun pay angibag-anyu'tta naḵwa.”

Luke 9:21

Binilin Jesus didae adida paat ibaga sadi'tta ngaimane tagu.

John 5:41

“Adiḵpun pion dayawe maḻpu'tta tagu,

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

John 8:50

Adiḵpun sington midayawaḵ. Yaḵon awad de angngit atte midayawaḵ ḵad siya asi anguwis.