Matthew 8:22 - Sa Ugud Apudyus

²² Ḵanan Jesus ḵan siya, “Tun-udonaḵ. Awad da adipun amati ḵan saḵone isudan natoy, dida asi umoy angilibon atta natoyda.”

Matthew 8:22 Iomraidhean Croise

Matthew 8:21

Ḵanan os ni osae disipulun Jesus, “Apu, Iyyaḵ yan ilibon aḵ amaḵ.”

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

Mark 2:14

Lummaus aḵ Jesus woḵ innilana'ḵ Levi ye abeng Alphaeus we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Pun lummibbat ay aḵ Levi woḵ nitun-ud ḵan siya.

Luke 15:24

Te sa annae abengḵu isun di natoy yaḵon annae natagu. Nataḻaḵ yaḵon annae naodasan.’ Pune sadi insaḻaddae nanggangganas.

Luke 15:32

Yaḵon ḵasapuḻane anggangganas taḵu te sa annae sunudnu isun di natoy yaḵon natagu. Nataḻaḵ yaḵon naodasan.’ ”

Luke 9:59

Ḵanan Jesus atte osae tagu, “Tun-udonaḵ.” Yaḵon ḵanana, “Apu, Iyyaḵ yan ilibon aḵ amaḵ.”

Luke 9:60

Ḵanan Jesus ḵan siya, “Awad da adipun amati ḵan saḵone isudan natoy, dida asi umoy angilibon atta natoyda. Yaḵon inḵa ya iwaḻagawagnu ampangatan Apudyus.”

John 1:43

Mabigat ḵad, simsimmoḵ Jesus we umoy atte probinsiya'd Galilee. Indasana'ḵ Philip woḵ ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.”

John 21:19

Imbagan Jesus sana ta ipaigammuna inon Peter we matoy ta midayaw aḵ Apudyus. Ḵanana ḵan Peter, “Tun-udonaḵ.”

John 21:22

Ḵanan Jesus, “Nu pioḵe sissiyae matagu inggana'ḵ mipauliyaḵ, ngai ḵad ain biyangnu? Tun-udonaḵ!”

Ephesians 2:1

Sa daanyu amatiyan, isuyun nanattoy atte mipanggob ḵan Apudyus gapu'tta basuḻyu.

Ephesians 2:5

Taḵon ay nu isun di natoy taḵu gapu'tta basuḻ taḵu, innatodna baru we biyag gapu si niyossaanan taḵu ḵan Kristu. Pun sa ḵinabaḻun Apudyus gapun ni nataguwan taḵu'tte madusaan si basuḻ.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

Colossians 2:13

Sa naḻaḵpuse aḻgaw, isun di natoy ḵayu si mipanggob ḵan Apudyus gapu'tta basuḻyu ya gapu ta diḵayu we Gentil naippun igammuyu si mipanggob atte Lintog Apudyus. Yaḵon sinsadi, indogan Apudyus diḵayu'tte baru we biyage innatodna ḵan Kristu te pinakawanna da losane basuḻ taḵu.

1 Timothy 5:6

Yaḵon sa baḻu we siya gay ipapuutna somsomḵon allam-ayana, isun di natoy atte mipanggob ḵan Apudyus taḵon ay nu sissiyae matattagu.