Matthew 8:14 - Sa Ugud Apudyus

¹⁴ Ummoy ḵad aḵ Jesus atte boḻoy da Peter, innilanae uumbog ḵatuganganae bubai te an-atung.

Matthew 8:14 Iomraidhean Croise

Matthew 17:25

Ḵanan Peter we summongbat, “On, ambayad ḵammos.” Nillumnoḵ ḵad aḵ Peter si boḻoy, ummuna'ḵ Jesus gumminga woḵ ḵanana, “Simon, ngai ḵasomsomḵam? Ngai andagupan da ari si annae luta'tta bugis? Da taguda baḵon nu da ḵaili?”

Matthew 8:15

Ummadani woḵ innonnana imana woḵ daguse naḵaan saḵitna. Pun bummangon woḵ pinaḵanana'ḵ Jesus.

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

1 Corinthians 9:5

Ḵad ippun ḵamman ḵaḻabbonganni ye angitaggaḵad atta asawani'tta ngaimane ambabbaatanni ye isun da udume apostol ya da susunud ḵan Kristu ya aḵ Peter?

1 Timothy 3:2

Pun gapu ta ampatog sanae ḵewaaḻ, ḵasapuḻane ippun ḵadellawana, naannad ḵan lamogna tupodon long-agna. Ḵasapuḻane ossaan asawana ya adi maḵadagdagas. Ḵasapuḻane naangsan, ḵamamangili ya nalainge antuttudu.

1 Timothy 4:3

Da sanae tagu, iyadida da angasawa ya da udume maḵan. Yaḵon sa ḵatuttuwaan, ḵingwan Apudyus da sanae maḵan ta ḵanon taḵu. Ditaḵu we namati ḵan Kristu ya angigammu si ḵatuttuwaan, anggappiya taḵu ta maḵwae ḵanon taḵu da ngaimane maḵan.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.