Matthew 8:11 - Sa Ugud Apudyus

¹¹ Ibagaḵ ḵan diḵayu, adu da Gentil we maḻpu si dumingitan init ya mipisonganae maḵaḵan ḵan da Abraham, Isaac ya aḵ Jacob atte ampangatan Apudyus.

Matthew 8:11 Iomraidhean Croise

Matthew 21:41

Ḵanandae summongbat, “Aaddi ye ḵaog-ogyat inonae angongat atta sanae ḵabasbassuḻane tagu. Ḵad iyatunna ipatangḵon mumuḻḻaana'tta de grape atta sabali ye tagu we angitod si billayna nu imbubuḻas.”

Matthew 24:31

Ḵad guminga andangsoḻe tangguyub ya ibuunḵu da anghelḵu'tta losane dugyun ni lubung ta umoyda dagupon da losane pinilin Apudyus we taguna.”

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 8:10

Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.

Luke 12:37

Pian da sammilu we naḵasagana nu dumatong apuda taḵon ay nu gawallabi baḵon nu madam-an taḻun. Ibagaḵ ḵan diḵayu ḵatuttuwaan, pasantan ni apuda silupna'tte pallos ya patuḵduwona dida ta siya allusnu ḵan dida.

Luke 16:22

“Natoy ḵad sadi ye ḵapus, innaḻan da anghel woḵ ummoyda innigga si daḻnig Abraham. Natoy ḵad os baḵnang, illibonda,

Acts 10:45

Nataag da namati ye Judyu we nibuḻun ḵan Peter te taḵon ay da Gentil naatod Ispiritu Santu ḵan dida.

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

1 Corinthians 15:20

Yaḵon sa ḵatuttuwaan, tuttuwae ummuli'ḵ Kristu we siya ḵaunaane ummuli'tta losane natoy. Ḵad sadi amanoḵnoḵe losane amati ḵan siya, umulida.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

Ephesians 3:6

Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Colossians 3:11

Gapu'tta sanae ḵingwan Apudyus, an-iisuwona da losan si antotollongna, Judyu man baḵon nu da Gentil, da naadaḻan ya da adipun naadaḻan, ḵaḵḵaili ya da maaḻmot, musassu ya daḵampun aḵ musassu te aḵ Kristu ḵapatogan atta losan ya awad os atta losane namati.

2 Thessalonians 1:5

Sadi angipaila si gattoḵe naun-unane anḵuḵuwis Apudyus atta tagu. Te mipagapu'tte ampaḵaḻamane inan-anusanyu sinsana, nipailae mibagay ḵayu we midoga si ampangatana.