Matthew 8:10 - Sa Ugud Apudyus

¹⁰ Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.

Matthew 8:10 Iomraidhean Croise

Matthew 15:28

Ḵanan Jesus, “Bubai, ampigsa pammatim! Ḵad gapu'tte sadi, maatod de ḵindawnu.” Pun sa nangibag-ana, daguse lummawa aḻan si abengnae babaḻasang.

Matthew 8:11

Ibagaḵ ḵan diḵayu, adu da Gentil we maḻpu si dumingitan init ya mipisonganae maḵaḵan ḵan da Abraham, Isaac ya aḵ Jacob atte ampangatan Apudyus.

Matthew 8:9

Te taḵon ay saḵon, awad de nangatngatu ḵaḻabbonganae angipangat ḵan saḵon ya awad os da suḻdadu we ipangataḵ. Ḵad nu ḵanaḵ si osa, ‘Inḵa,’ umoy ya nu ḵanaḵ os si osa, ‘Awwaynu,’ umali. Ḵad nu ḵanaḵ os atte sammiluḵ, ‘Ḵoom anna,’ ḵoona.”

Mark 6:6

Nataag atte ippun pammatida ḵan siya. Pune sadi, ummoy aḵ Jesus nantuttudu'tta nampaliḵwose ili.

Luke 5:20

Innilan ḵad ay Jesus pammatida, ḵanana'tte naparalaes, “Sunud, napakawan da basuḻnu.”

Luke 7:50

Ḵanan Jesus atte bubai, “Sa pammatim gapun ni mataguwam. Inḵan lumin-awa somsomoḵnu!”

Luke 7:9

Dingngoḻ ḵad Jesus da imbagana, nataag woḵ ḵanana'tta nibuḻun ḵan siya, “Annaya ibagaḵ ḵan diḵayu, naippun paat indasaḵ aḵ tagu'ḵ ampigsapigsa pammatina'd Israel aḵ isun ni pammatin ni annae tagu.”

Acts 2:7

Sintataagda woḵ ḵananda, “Daḵampun ḵamman aḵ losanda naḻpu'tte probinsiya'd Galilee da annae nan-ugud?