Matthew 7:25 - Sa Ugud Apudyus

²⁵ Ummudan ḵad aḵ amod, lummitap woḵ bummibbid aḵ ampigsa, losan da sana tinupaḵan boḻoyna, adipun paat nagitot te nagagaaman nisaadanae batu.

Matthew 7:25 Iomraidhean Croise

Matthew 16:18

Pun ibagaḵ ḵan siḵa, siḵa'ḵ Peter, batu piona ḵanan. Ḵad sa annae labaw ni batu antaḵadaḵ si simbaanḵu we da losane amati ḵan saḵon. Ḵad naippun angngog ḵan dida taḵon ay ḵabooḻan ni ḵatoy, adinapun lamog oḻgon dida.

Matthew 7:24

Pun ḵanan Jesus we nangipani, “Losane andongoḻ ya tuttuwaona ḵoon da annae ibagaḵ, mipani si nalainge tagu we nantaḵad aḵ boḻoyna woḵ insaadna si labaw ni batu.

Matthew 7:26

Sa andongoḻ ya adinapun tuttuwaon ḵoon, isuna nadong-oge tagu we nantaḵad aḵ boḻoyna si galgallis.

Matthew 7:27

Inniggana ḵad ummamdane udan, lummitap ḵan tinupaḵan ḵad ni ampigsae bali boḻoy, ḵawagase niwaḵas sadi ye boḻoy.”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Colossians 2:7

Sa pammatiyu ḵan siya, isunan lummamute ḵayu baḵon nu isun ni boḻoye nataḵade sa aliḵina ampagdopagdot. Unudonyu bos da nituttudu mipanggob ḵan siya ta da pammatiyu pumigsada ya pasig ḵayu anggappiya ḵan Apudyus.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.