Matthew 7:20 - Sa Ugud Apudyus

²⁰ Pun sinsadi, lamog taḵu we angimatun atta sinan profeta'tte anggugunayda.”

Matthew 7:20 Iomraidhean Croise

Matthew 12:33

Impanin os Jesus woḵ ḵanana, “Sa ḵayu we ngannonda ambaḻu, ambaḻu ambubungana. Sa ḵayu we ngannonda lawweng, lawweng ambubungana. Te sa ibungan ni ḵayu angipaila si kalasina.

Matthew 7:16

Maḵwa imatunanyu da tagu we ḵaḵnat atte anggugunayda. Isuda ḵayu we mimatunan si kalasin ni bungana. Daḵampun aḵ buḻasan taḵu bayabat atte ḵawayan ya daḵampun os aḵ buḻasan taḵu de fig atte laslasi.

Luke 6:44

Te sa bungan ni sin-ossaossae ḵayu angipaila si kalasina. Te daḵampun aḵ mabuḻasan de fig atte uwoy ya daḵampun os aḵ mabuḻasan da de grape atte laslasi.

Acts 5:38

Pun sa ibagaḵ ḵan diḵayu sinsadi, ḵinnuwanda ya paoyononyu dida. Te nu siya panggobda baḵon nu ḵoonda maḻpu si ḵasomsomḵan di tagu, ippun ambanagana.

James 3:12

Susunudḵu ḵan Kristu, amunga ḵamman ḵayu we fig aḵ olives baḵon nu da de grape amungada ḵamman aḵ fig? Adipun os maḵwae sa danum ni baybaye an-aasin maḻpuwan ni mainume danum.