Matthew 7:15 - Sa Ugud Apudyus

¹⁵ Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Matthew 7:15 Iomraidhean Croise

Matthew 10:17

Ḵad ummanyu bos te doḵmaanda ḵan idaḻum diḵayu'tta ḵuḵunsisaḻ ya ap-apliton diḵayu'tta sinagogada.

Matthew 16:11

Ngaipayu adi maawatane daḵampun si mipanggob si tinapay pioḵ ugudon ḵan diḵayu? Sa imbagaḵ, ummanyu ta adi ḵayu maalisan atte yeast da Pharisee ya da Sadducee!”

Matthew 16:6

Ḵanan Jesus ḵan dida, “Ummanyu ta adi ḵayu maalisan atte yeast da Pharisee ya da Sadducee.”

Matthew 24:11

Adu da sinan profeta we ampaila ḵad adu da allelawonda.

Matthew 7:14

Yaḵon gapu ta ansuḻpit lewangan ya ansigab daḻane umoy si biyag aḵ inggana ḵan Apudyus, aḵit da maḵaodas.”

Luke 12:15

Ḵanana'tta losane tagu, “Ummanyu ta adi ḵayu masulisug ya maḵabasuḻ si ḵamommod atta ḵuḵuwan da buḻunyu. Te sa biyag daḵampun aḵ mibatay atta ḵuḵuwa, taḵon ay nu ngai ḵinabaḵnang taḵu.”

Luke 6:26

Ḵaddagu ḵayu bos nu itaḻayag diḵayu'tta losane tagu, te iissuna bos ḵingwan da danaḵḵoḻda'tta sinan profeta.”

John 10:12

Sa matangdanane antangḵon, nu awad ilana'ḵ atape asu aḵ angiduḵḵus atta karnero, tenana dida ya umawid te daḵampun aḵ siya gattoḵe antangḵon ya sinḵuwa'tta karnero. Ḵad sa atape asu, iduḵḵusna doḵmaan dida ya umasbuḵda.

Acts 13:40

Pun ummanyu ta adi maḵwa ḵan diḵayu imbagan ni profeta we ḵanana,

Acts 13:6

Pun ginaggaḵayda da ili'd Cyprus inggana'ḵ dummatongda'd Paphos. Sidi nangabotanda'tte osan ambubuyune Judyu we sinan profeta we nangngadan aḵ Bar-Jesus.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Philippians 3:2

Ummanyu'tta tagu we lawweng da ḵoonda, ipaniḵ dida'tta nadiwase asu te sumusullagida'tte Ambaḻu we Damag. Ipatutdae nu adi masogyatan laḻaḵi, adipun matagu.

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

2 Timothy 4:3

Te dumatong timpu we adimpun da tagu pione andongoḻ atte tuttuwae tuttudu ḵad gapu ta pionda unudon awad si somsomoḵda, an-ayagda'tta tagu we angituttudu'tta piondae dongngon.

2 Peter 3:17

Diḵayu ḵade ay-ayatoḵe buḻbuḻun, inabusḵu imbagabaga ḵan diḵayu mipanggob atta tagu we angituttudu si daḵampun aḵ tuttuwa. Pun ummanyu ta adi ḵayu maallelaw si nankamaliyanda ya uni ḵad umadayu ḵayu si ampigsae pammatiyu,

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Revelation 16:13

Naabus ḵad, innilaḵ da tuḻu we aḻane isudan ḵatollongan di tuḵaḵ, sa osa ḵad naḻpu si sungad ni dragon, naḻpu osa si sungad ni ḵaog-ogyate ayam ya sa osa ḵad os naḻpu si sungad ni sinan profeta.

Revelation 17:6

Ḵad innilaḵ sadi ye bubai ye nabartek atta daḻan da tagun Apudyus we nagongat gapu'tte nanaḵdoḻanda ḵan Jesus. Sa nan-iilaḵ ḵan siya, gattoḵe nataagaḵ.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.