Matthew 6:9 - Sa Ugud Apudyus

⁹ Ḵaḵna inonyu we alluwaḻu. “ ‘Amani ye awad ad langit, madayawḵa oḵyane nasantuwane Apudyus.

Matthew 6:9 Iomraidhean Croise

Matthew 10:29

Annaya oḵyan sosomḵonyu, taḵon ay nu naippun patog da tilin, naippun matoy ḵan maottag atte luta ḵan dida'ḵ taḵon ay ossaan nu adimpun Apudyus we Amayu iyunud.

Matthew 23:9

Ḵad ḵasapuḻane adiyu awagan aḵ ‘Ama,’ osae tagu'tte annae luta te abuse ossaan Amayu we awad ad langit.

Matthew 26:29

Ibagaḵ ḵan diḵayu ḵatuttuwaan, adiyaḵpun ḵasin uminum atte bayase grape inggana'tte aḻgawe maḵainumaḵ ḵan diḵayu'tte baru we bayase grape atte ampangatan Amaḵ.”

Matthew 26:42

Pun ummoy os ḵasin aḵ Jesus nalluwaḻu woḵ ḵanana, “Ama, nu ḵasapuḻane maḵwa ḵan saḵon da sanae ampaḵaḻamaḵ, sa piniom maḵwa.”

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

Matthew 5:48

Pun ḵasapuḻane ippun angkuranganyu we isun Apudyus we Amayu'd langite ippun angkurangana.”

Matthew 6:14

Pun ḵanan Jesus, “Nu pakawanonyu da naḵabasuḻ ḵan diḵayu, pakawanon os diḵayu ḵan Amayu'd langit.

Matthew 6:6

Yaḵon nu alluwaḻu ḵayu, lumnoḵ ḵayu si kuwartuyu ya iyyonobyu sawang ḵad alluwaḻu ḵayu ḵan Ama we adipun maila. Ḵad ḵan siyae angitotollong si milammonge ḵoonyu, gungunaana diḵayu.

Matthew 7:11

Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton ambaḻu'tta anḵodaw ḵan siya. Sana mungimung ni tuttudun Jesus mipanggob atte luwaḻu.

Luke 15:18

Iyyaḵon ay ta iyyaḵ ḵan amaḵ ya ḵanaḵ ḵan siya, “Ama, naḵabasuḻaḵ ḵan Apudyus ya ḵan siḵa.

Luke 15:21

Pun ḵanan ni abengna, ‘Ama, naḵabasuḻaḵ ḵan Apudyus ya siḵa. Adiyaḵ oḵyan ogon ibelang aḵ abengnu.’

Luke 2:14

“Madaydayaw aḵ Apudyus ad langit. Anna lin-awa'tta tagu'd lutae mas-omana.”

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

Galatians 1:1

Saḵon aḵ Paul we nadutuḵan aḵ apostol we daḵampun aḵ dinutuḵanaḵ si tagu ya daḵampun aḵ naḻpu si tagu yaḵon aḵ Jesu Kristu ya aḵ Apudyus we Ama we nanagu ḵan siya.

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

1 Timothy 6:16

Ḵad adipun paat matoy ya ippun tagu'ḵ maḵaadani ḵan siya te ummamdan silingna. Naippun paat tagu'ḵ nangila baḵon nu maḵaila ḵan siya. Madaydayaw oḵyan ya siya ampangat aḵ inggainggana. Amen.

1 Peter 1:17

Sosomḵonyu anna, aḵ Apudyus we bigbigonyu we Ama, ippun laḵsigona nu anḵuwis. Ḵad ḵuwisona da losane tagu sigun si ḵingwan ni sin-ossaossa. Pun ḵasapuḻane isipogyu ya dayawonyu si sanae mabiyaganyu we isun di ḵaili si annae lubung.

Revelation 4:11

“Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”

Revelation 5:12

Ḵanandae nangidangsoḻ, “Sa Ubbu we Karnero we napatoy, ḵaḻabbonganae awaton ḵabooḻan, ḵinabaḵnang, ḵinalaing, ḵinapigsa, ḵinapatog, ḵinadayaw ḵan anggappiyaan.”