Matthew 6:5 - Sa Ugud Apudyus

⁵ Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 6:5 Iomraidhean Croise

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 23:5

Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda. Ḵad piondae alliḵliḵwose ansisillup atta langgoyod.

Matthew 23:6

Ampilida'tta ḵabaḻuwane tutuḵduwan atta sinagoga ya pionda bose mapatganda'tta ampakumusta ḵan dida'tta andaḵdaḵngan da adu we tagu. Ḵad pipionda midayawda nu awad gayagaya. Ḵad piondae maawaganda'ḵ ‘Mistulu.’

Matthew 6:1

Pinagatupan Jesus we nantuttudu woḵ ḵanana, “Ilanyu ta adiyu gagaḻ-on ipappaila'tta tagu we naun-unan ḵayu te nu siya ḵoonyu, ippun gungunayu ḵan Amayu'd langit.

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 9:38

Pun iluwaḻuyu ḵan Apudyus we sinḵuwa'tta maani ta angibuun aḵ aduadu'ḵ umoy an-ani.”

Mark 11:25

Ḵad nu alluwaḻu ḵayu ya awad sasangngaanyu'tta asintataguyu te naḵabasuḻda ḵan diḵayu, pakawanonyu ta aḵ Apudyus we Amayu'd langit pakawanona bos da basuḻyu.”

Mark 12:38

Pinagatupan Jesus we nantuttudu woḵ ḵanana, “Ummanyu'tta mimistulun ni lintog te piondae alliḵliḵwose ansisillup atta langgoyod. Ampilida'tta ḵabaḻuwane tutuḵduwan atta sinagoga ya pionda bose mapatganda'tta ampakumusta ḵan dida atta lugar we andaḵdaḵngan da adu we tagu. Ḵad pipionda midayawda nu awad gayagaya.

Luke 11:43

“Ḵaddagu ḵayu we Pharisee! Te ampili ḵayu'tta ḵabaḻuwane tutuḵduwan atta sinagoga ya pionyu bose mapatgan atta ampakumusta ḵan diḵayu'tta andaḵdaḵngan da adu we tagu.

Luke 18:1

Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.

Luke 18:13

“Sa andadagup ḵad atta bugis, summiḵad atte battawa woḵ adipun nantangad ad langit te mabain atta basuḻna yaḵon ḵinabḵabna baḻuḵungna te nambabawi'tta basuḻna woḵ ḵanana, ‘Apudyus, ḵadaguwanaḵ ḵappose ḵabasbassuḻan.’ ”

Luke 20:47

Te allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Sa umali ye aḻgaw amo nadagdagson dusada.”

Luke 6:24

Yaḵon ḵaddagu ḵayu we baḵnang, te abus sinsadi'ḵ allaylaydanyu.

John 16:24

Inggana sinsadi, naippun ḵindawyu mipagapu'tte ḵabooḻaḵ. Anḵodaw ḵayu woḵ awatonyu ta naippun kurang ni layadyu.”

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

1 Thessalonians 5:17

patilayun ḵayu alluwaḻu,

James 4:6

Sa ḵatuttuwaan, ummamdan ḵinabaḻun Apudyus ḵan ditaḵu, isuna nibaga si nigili ye Ugudnae ḵanana, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”