Matthew 6:33 - Sa Ugud Apudyus

³³ Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Matthew 6:33 Iomraidhean Croise

Matthew 19:28

Ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abeng Di Tagu, nu dumatong tumuḵduwaḵ si tronoḵe an-ari nu ḵoon Apudyus baru we lubung, diḵayu we nasawaḻan aḵ duwae nibuḻubuḻun ḵan saḵon, tumuḵdu ḵayu bos atta nasawaḻan aḵ duwae trono we angipangat ḵan anguwis atta ganaḵ da nasawaḻan aḵ duwae abeng Israel.

Matthew 19:29

Ḵad ngaimane tenana boḻoyna, susunudna, amana baḵon nu inana, da abengna ya da lutana gapu ḵan saḵon, anginsinggasute ḵaadu awatona nu da tinenana ḵad maittan si biyag aḵ inggana.

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 5:6

Pian da tagu we amaamayondae angwa'tta naun-unan te badangan Apudyus didae angwa si piniona.

Luke 1:6

Naun-unandae an-asawa'tte antotollong Apudyus ya ippun nangkuranganda si nanuttuwaanda'tta losane lintogna ya sa tuttuduna.

Luke 12:31

Yaḵon unaonyu ḵuttuḵuttumon ampangatan Apudyus woḵ ittona da ḵasapuḻanyu.

John 5:4

te sillaḻabi ḵad, an-osog anghel Apudyus ya inḵibyawna danum. Ḵad sa umunae umoy atte miḵibyawe danum, maḵaan saḵitna.

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

Acts 20:25

“Sinsadi andongoḻ ḵayu, igammuḵe diḵayu we nangiwaḻagawagaḵ mipanggob atte ampangatan Apudyus, aditaḵupun ogon an-asiila.

Acts 28:31

Natuḻode nangiwaḻagawag ḵan nangituttudu mipanggob si ampangatan Apudyus ya aḵ Apu Jesu Kristu ḵad ippun nanupod ḵan siya.

Romans 1:17

Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Romans 10:3

Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 8:31

Ḵad gapu ta ḵatti, ngai ḵanan taḵu nu? Nu aḵ Apudyus anna ḵan ditaḵu, ngai ḵallabbong sumullagi ḵan ditaḵu?

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Corinthians 3:22

Imbuunna saḵon ya da Apollos ḵan Peter we anserbi ḵan diḵayu. Ḵad innatodna ḵan diḵayu da losane awad si annae lubung, da mabiyaganyu, matoyanyu, taḵon ay sinsadi ya sa umali ye aḻgaw ḵuwayu dida.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

2 Thessalonians 1:5

Sadi angipaila si gattoḵe naun-unane anḵuḵuwis Apudyus atta tagu. Te mipagapu'tte ampaḵaḻamane inan-anusanyu sinsana, nipailae mibagay ḵayu we midoga si ampangatana.

1 Timothy 4:8

Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.