Matthew 6:28 - Sa Ugud Apudyus

²⁸ “Ngaipa ḵayu ambinsaw mipanggob atta ansilupyu? Ilanyu ḵad inon da tabbaḵe dumaḵoḻ atta pappayaw, adidapun anḵewaaḻ ya an-aboḻ.

Matthew 6:28 Iomraidhean Croise

Matthew 10:10

baḵaḻ, suḻḵud, sandal ḵan ansuḵatanyu'ḵ silup te labbongnae awaton da anḵewaaḻ ḵanonda.

Matthew 6:25

Pinagatupan Jesus woḵ ḵanana, “Pun sa ibagaḵ ḵan diḵayu, adi ḵayu ambinsaw mipanggob atta biyagyu, da ḵanonyu, baḵon nu da inumonyu, baḵon nu sa mipanggob atta long-agyu ya da ansilupyu. Te napatpatog biyagyu nu sa maḵan ya napatpatog da long-agyu nu da silup.

Matthew 6:27

Sa osa bos, lamogyu ḵamman paanduwon biyagyu'ḵ sin-orasan gapu'tte binimbinsawyu?

Matthew 6:31

Pun adi ḵayu ambinsawe ḵananyu, ‘Dinu maḻpuwan ni ḵanoḵ baḵon nu inumoḵ baḵon nu ansilupḵu?’

Luke 10:41

Ḵanan Apu, “Martha, Martha, adu bos ay da ambinsawam.

Luke 12:11

“Ḵad nu iyoy diḵayu idaḻum atta sinagoga baḵon nu da papangat ya da awad da ḵaḻabbonganda, adi ḵayu ambinsaw atta isongbatyu ya da ibagayu.

Luke 12:22

Ḵanan Jesus atta disipuluna, “Pun annaya ibagaḵ ḵan diḵayu, adi ḵayu ambinsaw mipanggob si biyagyu, da ḵanonyu, baḵon nu mipanggob atta long-agyu ya da iḵabotyu.

Luke 12:27

“Ilanyu ḵad inon da tabbaḵe dumaḵoḻ, adidapun anḵewaaḻ ya an-aboḻ. Yaḵon annaya ibagaḵ ḵan diḵayu, taḵon ay aḵ Ari Solomon we ḵabaḵnangan, naippun silupna'ḵ nabaḻbaḻu nu sa osa'tta annae tabbaḵ.

Luke 3:11

Ḵanana, “Ngaimane duwa silupna, ittona oḵyan osa'tte ippun silupna. Ḵad sa ansawaḻ aḵ maḵan, angitod oḵyan atta ippun ḵanonda.”

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

1 Peter 5:7

Itaḻgodyu ḵan Apudyus da losane binimbinsawyu te siya angayyuwan ḵan diḵayu.