Matthew 6:16 - Sa Ugud Apudyus

¹⁶ Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:16 Iomraidhean Croise

Matthew 6:1

Pinagatupan Jesus we nantuttudu woḵ ḵanana, “Ilanyu ta adiyu gagaḻ-on ipappaila'tta tagu we naun-unan ḵayu te nu siya ḵoonyu, ippun gungunayu ḵan Amayu'd langit.

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Mark 2:18

Sin-aḻgawan ḵad, nallaun da Pharisee ya da disipulun John ta alluwaḻuda. Inninggaw da udume ummoy ḵan Jesus woḵ ḵananda ḵan siya, “Da disipulun John ya da disipulun da Pharisee, nallaunda ta alluwaḻuda. Da disipulum ḵad, ngaipada adi allaun?”

Luke 18:12

Te ḵan saḵon, amigwaaḵ allaun si sindumingguwan ta alluwaḻuwaḵ ya ittoḵ os ḵasimpuḻun ni losane tangdanḵu.’

Luke 2:37

Sissiyae baḻu inggana'ḵ nantawon aḵ waḻumpuḻu ya opat. Patilayun umoy si paway ni templo ta andayaw ḵan alluwaḻu ḵan Apudyus atte inaḻgaw ḵan nilabi. Patilayune allaun ta alluwaḻu.

Acts 10:30

Ḵanan Cornelius, “Opat aḻgaw ḵad naḻaḵpus si nalluwaḻuwaḵ atte sin-ag-agawan, natanaḵdog laḻaḵi ye sumilisiling silupna.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

1 Corinthians 7:5

Ḵan diḵayu we an-as-asawa, adiyu iyadi ḵaḻabbongan ni asawayu, malaksid nu antuḻaganyu we adiḵayu yan an-adaḻug ta ipapatiyu we alluwaḻu. Ḵad nu maabus aḻgawe alluwaḻuwanyu, an-adaḻug ḵayu bos ta adin Satan diḵayu sulisugon aḵ bumasuḻ te adiḵayupun maḵatupod atta long-agyu.

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

2 Corinthians 6:5

Annaya da udume ampaḵaḻamane nilaḵ-amni. Nangampigae naap-aplit ḵani, nibaḻud ḵani, ginulugulun diḵani, maayoayong ḵani'tta ḵoonni, mapuyapuyatan ḵani ḵan mauḻauḻat ḵani.